వెంకీ 'సైంధవ్' గురించి తాజా అప్‌డేట్
cinema | Suryaa Desk | Published : Wed, Jun 28, 2023, 06:32 PM
శైలేష్ కొలను దర్శకత్వంలో టాలీవుడ్ హీరో వెంకటేష్ తన 75వ సినిమాని అధికారికంగా ప్రకటించిన సంగతి అందరికి తెలిసిందే. ఈ సినిమాకి 'సైంధవ్' అనే టైటిల్ ని మూవీ మేకర్స్ లాక్ చేసారు. లేటెస్ట్ అప్‌డేట్ ప్రకారం, రెండ్రోజుల క్రితం హైదరాబాద్‌లో ప్రారంభమైన ఈ సినిమా రెండో షెడ్యూల్ పూర్తయింది. నటి శ్రద్ధా శ్రీనాథ్ తన ఇన్‌స్టాగ్రామ్ ప్రొఫైల్ ద్వారా ఈ విషయాన్ని ధృవీకరించారు. అయితే ఈ విషయాన్ని మూవీ మేకర్స్ ఇంకా అధికారకంగా ప్రకటించలేదు.
యాక్షన్ ఎంటర్‌టైనర్‌గా తెరకెక్కుతున్నఈ సినిమాలో శ్రద్ధా శ్రీనాథ్ కథానాయికగా నటిస్తుంది. ఈ సినిమా డిసెంబరు 22, 2023న ప్రేక్షకుల ముందుకు రానుంది. బాలీవుడ్ నటుడు నవాజుద్దీన్ సిద్ధిక్, రుహాని శర్మ ఈ సినిమాలో ముఖ్యమైన పాత్రలు పోషిస్తున్నారు. ఈ హై-వోల్టేజ్ యాక్షన్ థ్రిల్లర్ ని నిహారిక ఎంటర్‌టైన్‌మెంట్ బ్యానర్‌పై వెంకట్ బోయనపల్లి నిర్మిస్తున్నారు. ఈ పాన్ ఇండియన్ చిత్రానికి సంతోష్ నారాయణన్ సంగీతం అందిస్తున్నారు.
|
|