విడుదల తేదీని ఖరారు చేసిన విజయ్ ఆంటోని 'హత్య'
cinema | Suryaa Desk | Published : Wed, Jun 28, 2023, 06:30 PM
సౌత్ స్టార్ హీరో విజయ్ ఆంటోని అద్భుతమైన స్క్రిప్ట్‌లతో సినిమా ప్రేమికులని ఎప్పుడు ఎంటర్టైన్ చేస్తుంటాడు. బాలాజీ కుమార్ దర్శకత్వంలో ఈ స్టార్ హీరో ఇప్పుడు తాజాగా 'హత్య' అనే కొత్త సినిమాతో ఆడియన్స్ ని అలరించటానికి సిద్ధం అవుతున్నాడు. ఈ సినిమాలో విజయ్ డిటెక్టివ్‌గా కనిపించనున్నాడు అని సమాచారం. విజయ్ ఆంటోనీ సరసన ఈ మూవీలో గ్లామర్ క్వీన్ రితికా సింగ్ సంధ్య అనే రూకీ పోలీసుగా నటించింది.
తాజా అప్డేట్ ప్రకారం, మూవీ మేకర్స్ తమ సోషల్ మీడియా ప్రొఫైల్‌ల లో ఈ చిత్రం జూలై 21, 2023న సినిమా థియేటర్లలో విడుదల కానున్నట్లు ప్రకటించారు. అంతేకాకుండా ఒక ఆసక్తికరమైన పోస్టర్‌ను కూడా విడుదల చేసారు. మీనాక్షి చౌదరి, జాన్ విజయ్,రాధికా శరత్‌కుమార్, మురళీ శర్మ, సిద్ధార్థ శంకర్, అర్జున్ చిదంబరం, కిషోర్ కుమార్, సంకిత్ బోహ్రా కీలక పత్రాలు పోషిస్తున్నారు.
కమల్ బోహ్రా, జి. ధనంజయన్, ప్రదీప్ బి, పంకజ్ బోహ్రా అండ్ ఇన్ఫినిటీ ఫిల్మ్ వెంచర్స్‌పై ఎస్ విక్రమ్ కుమార్, తాన్ శ్రీ దొరైసింగం పిళ్లై, సిద్ధార్థ శంకర్‌లతో కలిసి ఈ చిత్రాన్ని నిర్మించారు. ఈ సినిమాకి గిరీష్ సంగీతం అందించారు.
|
|