రివర్టింగ్ మరియు పవర్ ఫుల్ గా 'కింగ్ ఆఫ్ కోత' టీజర్
cinema | Suryaa Desk | Published : Thu, Jun 29, 2023, 02:53 PM
అభిలాష్ జోషి దర్శకత్వంలో మాలీవుడ్ యంగ్ అండ్ టాలెంటెడ్ హీరో దుల్కర్ సల్మాన్ ఒక గ్యాంగ్‌స్టర్ డ్రామాని ప్రకటించిన సంగతి అందరికి తెలిసందే. ఈ సినిమాకి 'కింగ్ ఆఫ్ కోత' అనే టైటిల్ ని మూవీ మేకర్స్ లాక్ చేశారు. తాజాగా ఈ సినిమా తెలుగు టీజర్‌ను మహేష్ బాబు ఆవిష్కరించారు. ఈ సినిమా టీజర్ అద్భుతమైన రీతిలో ప్రదర్శించబడింది. నిమిష్ రవి అద్భుతమైన సినిమాటోగ్రఫీ, దుల్కర్ స్క్రీన్ ప్రెజెన్స్ ఈ టీజర్ కి హైలైట్ గా నిలిచింది. ఎప్పటిలాగే దుల్కర్ తెలుగులో తన పాత్రకు డబ్బింగ్ చెప్పాడు.
ఈ పాన్-ఇండియన్ మూవీలో ఐశ్వర్య లక్ష్మి కథానాయికగా నటిస్తుంది. అభిలాష్ ఎన్.చంద్రన్ ఈ సినిమాకి కథను అందించారు. ఈ చిత్రంలో డ్యాన్సింగ్ రోజ్, ప్రసన్న, ఐశ్వర్య లక్ష్మి, నైలా ఉష, చెంబన్ వినోద్, గోకుల్ సురేష్, షమ్మి తిలకన్, శాంతి కృష్ణ, వడ చెన్నై శరణ్, అనిఖా సురేంద్రన్ ఇతర కీలక పాత్రల్లో నటిస్తున్నారు.
ఈ గ్యాంగ్‌స్టర్ చిత్రాన్ని ఓనం సందర్భంగా థియేటర్లలో విడుదల చేసేందుకు మూవీ మేకర్స్ సన్నాహాలు చేస్తున్నారు. జీ స్టూడియోస్ మరియు వేఫేరర్ ఫిల్మ్స్ ఈ సినిమాని నిర్మిస్తున్నాయి. జేక్స్ బిజోయ్ మరియు షాన్ రెహమాన్ సంయుక్తంగా సంగీతం అందించగా, నిమిష్ రవి సినిమాటోగ్రఫీని నిర్వహిస్తున్నారు.
|
|