మరో షెడ్యూల్‌ను పూర్తి చేసుకున్న 'సైంధవ్'
cinema | Suryaa Desk | Published : Thu, Jun 29, 2023, 05:19 PM
శైలేష్ కొలను దర్శకత్వంలో టాలీవుడ్ హీరో వెంకటేష్ తన 75వ సినిమాని అధికారికంగా ప్రకటించిన సంగతి అందరికి తెలిసిందే. ఈ సినిమాకి 'సైంధవ్' అనే టైటిల్ ని మూవీ మేకర్స్ లాక్ చేసారు. యాక్షన్ ఎంటర్‌టైనర్‌గా తెరకెక్కుతున్నఈ సినిమాలో శ్రద్ధా శ్రీనాథ్ కథానాయికగా నటిస్తుంది. బాలీవుడ్ నటుడు నవాజుద్దీన్ సిద్ధిక్, రుహాని శర్మ ఈ సినిమాలో ముఖ్యమైన పాత్రలు పోషిస్తున్నారు. ఈ సినిమా డిసెంబరు 22, 2023న ప్రేక్షకుల ముందుకు రానుంది.
తాజాగా మూవీ మేకర్స్ ఈ సినిమా షెడ్యూల్‌ను ముగించినట్లు ప్రకటిస్తూ ఒక కూల్ వీడియోను విడుదల చేసింది. సెట్స్‌లో మూవీ టీమ్ మరో కిక్-యాస్ షెడ్యూల్‌ని పూర్తి చేసి చివరి మిషన్‌కు చేరుకుందని పేర్కొన్నారు. విక్టరీ వెంకటేష్, రుహాని శర్మ, శ్రద్ధా శ్రీనాథ్ మరియు ఇతరులు వీడియోలో కనిపిస్తున్నారు. ఈ హై-వోల్టేజ్ యాక్షన్ థ్రిల్లర్ ని నిహారిక ఎంటర్‌టైన్‌మెంట్ బ్యానర్‌పై వెంకట్ బోయనపల్లి నిర్మిస్తున్నారు. ఈ పాన్ ఇండియన్ చిత్రానికి సంతోష్ నారాయణన్ సంగీతం అందిస్తున్నారు.
|
|