బాలకృష్ణ సంచలన వ్యాఖ్యలు

జగపతిబాబు , మమతా మోహన్దాస్, ఆశిష్గాంధీ, విమలా రామన్ ప్రధాన పాత్రల్లో తెరకెక్కిన సినిమా 'రుద్రంగి'.అజయ్ సామ్రాట్ దర్శకత్వంలో తెరకెక్కిన ఈ సినిమాజూలై 7వ తేదీ విడుదల కానున్న నేపథ్యంలో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా నిన్న రాత్రి హైదరాబాద్ లో ప్రీ రిలీజ్ వేడుకను ఎంతో ఘనంగా నిర్వహించారు. ఈ కార్యక్రమానికి బాలకృష్ణ (Balakrishna) ముఖ్యఅతిథిగా హాజరయ్యారు. ఈ కార్యక్రమంలో భాగంగా బాలకృష్ణ సుమ మధ్య కొన్ని ఆసక్తికర సన్నివేశాలు చోటు చేసుకున్నాయి.

ఈ కార్యక్రమానికి బాలకృష్ణ రావడంతో ఒక్కసారిగా అభిమానులు చప్పట్లు కొడుతూ కేకలు వేశారు. అయితే సుమ మాట్లాడుతూ నేను బాలకృష్ణ గారు వచ్చారు అని చెప్పకుండానే మీరు చప్పట్లు కొడతారా అంటూ మాట్లాడారు.సుమ ఇలా మాట్లాడటంతో వెంటనే రియాక్ట్ అయినటువంటి బాలయ్య సుమ(Suma) కు అప్పుడప్పుడు చెంపదెబ్బలు అవసరం అంటూ కామెంట్స్ చేశారు. ఇక మనం కూడా కాస్త జాగ్రత్తగా ఉండాలి పాపం ఆ రాజీవ్ కనకాల(Rajeev Kanakala) ఈమెతో ఎలా బ్రతుకుతున్నాడో అంటూ బాలకృష్ణ సరదాగా కాసేపు సుమను ఆటపటించారు. ఇక బాలకృష్ణ గారు మైక్ తీసుకొని మాట్లాడుతున్న సమయంలో పెద్ద ఎత్తున అభిమానులు కోకో కోలా పెప్సీ బాలయ్య సెక్సీ అంటూ కేకలు వేశారు. ఈ మాటలు విన్నటువంటి బాలకృష్ణ మీరు నన్ను సెక్సీ అని అంటే ఇక్కడ సుమ ఫీల్ అవుతుంది అంటూ మరోసారి బాలకృష్ణ చమత్కరించారు. ఇక ఈ కార్యక్రమంలో బాలకృష్ణ పలు విషయాలను వెల్లడించారు. అనంతరం జగపతిబాబు(Jagapathi Babu) మాట్లాడుతూ కేవలం సుమ గారి కోసమే బాలకృష్ణ గారు కూడా తన డేట్స్ మార్చుకున్నారని తెలిపారు. నిజానికి ఈ సినిమా వేడుకను 28వ తేదీ చేయాల్సి ఉంది కానీ సుమకు 29వ తేదీ కుదురుతుంది అని తెలిసి సుమ కోసం తామందరూ డేట్స్ మార్చుకున్నామంటూ జగపతిబాబు చెప్పడంతో సుమకు ఎలాంటి క్రేజ్ ఉందో అర్థమవుతుంది.