కావ్యా కల్యాణ్‌ రామ్ ఆసక్తి కార వ్యాఖ్యలు ...
cinema | Suryaa Desk | Published : Wed, Jul 12, 2023, 02:23 PM
బాడీ షేమింగ్‌ను.. సినీ ఇండస్ట్రీలో చాలామంది నటీనటులు ఎదుర్కొన్నారు. ఇప్పటికే దీనిపై పలు సందర్భాల్లో మాట్లాడారు. తాజాగా మరో నటి ఈ విషయంలో తనకు జరిగిన అవమానం గురించి చెప్పింది.తన శరీరాకృతిపై అవహేళనలు ఎదుర్కొన్నట్లు తెలిపింది. దీంతో ఈ అంశం మరోసారి తెరపైకి వచ్చింది.బాలనటిగా ఇండస్ట్రీకి వచ్చి.. 'బలగం'తో మంచి గుర్తింపు తెచ్చుకుంది కావ్యా కల్యాణ్‌ రామ్ . ప్రస్తుతం శ్రీసింహా హీరోగా తెరకెక్కుతోన్న 'ఉస్తాద్ 'లో నటిస్తోంది. తాజాగా ఈ సినిమా ప్రమోషన్స్‌లో పాల్గొన్న కావ్య.. హీరోయిన్‌గా కెరీర్ ప్రారంభించిన తొలినాళ్లలో తాను ఎదుర్కొన్న చేదు అనుభవం గురించి చెప్పింది. ఓ సినిమా ఆడిషన్స్‌కు వెళ్తే దర్శక నిర్మాతలు బాడీ షేమింగ్‌ చేశారని తెలిపింది. 'మీరు చాలా లావుగా ఉన్నారు. ఇలా ఉంటే అవకాశాలు రావు. సన్నగా అవ్వండి' అని హేళన చేసినట్లు చెప్పింది. తాను మాత్రం అవేవి పట్టించుకోకుండా ముందుకు సాగుతున్నట్లు తెలిపింది. ప్రస్తుతం ఈ వ్యాఖ్యలు వైరలవుతున్నాయి.
|
|