'భోలా శంకర్' థియేట్రికల్ ట్రైలర్‌ను లాంచ్ చేయనున్న రామ్ చరణ్
cinema | Suryaa Desk | Published : Wed, Jul 26, 2023, 06:33 PM
మెహర్ రమేష్ దర్శకత్వంలో టాలీవుడ్ మెగాస్టార్ చిరంజీవి "భోళా శంకర్" సినిమాలో నటిస్తున్న సంగతి అందరికి తెలిసిన విషయమే. ఈ యాక్షన్ ఎంటర్‌టైనర్‌లో చిరు సరసన మిల్కీ బ్యూటీ తమన్నా భాటియా కథానాయికగా నటిస్తోంది. భోలా శంకర్ థియేట్రికల్ ట్రైలర్‌ను 2023 జూలై 27న విడుదల చేయనున్నట్లు మూవీ మేకర్స్ ఇప్పటికే ప్రకటించారు. తాజాగా ఇప్పుడు రేపు సాయంత్రం 04:05 గంటలకు మెగా పవర్‌స్టార్ రామ్ చరణ్ ఈ సినిమా థియేట్రికల్ ట్రైలర్‌ను విడుదల చేయటనున్నట్లు చిత్ర బృందం ప్రకటించింది.
ఈ మెగా భారీ యాక్షన్ ఎంటర్‌టైనర్ లో రావు రమేష్, మురళీ శర్మ, తులసి, వెన్నెల కిషోర్,కీర్తి సురేష్, రఘుబాబు, రవిశంకర్, శ్రీ ముఖి, రష్మీ గౌతమ్, ఉత్తేజ్ తదితరులు కీలక పాత్రలు పోషిస్తున్నారు. ఈ చిత్రం తమిళంలో సూపర్ హిట్ మూవీ వేదాళం యొక్క అధికారిక తెలుగు రీమేక్. ఎకె ఎంటర్‌టైన్‌మెంట్స్ ఈ సినిమాని నిర్మిస్తున్నారు. మహతి స్వర సాగర్ సంగీతం అందిస్తున్నారు.
|
|