'చంద్రముఖి 2' ఆడియో హక్కులను సొంతం చేసుకున్న ప్రముఖ మ్యూజిక్ లేబుల్
cinema | Suryaa Desk | Published : Sat, Aug 05, 2023, 08:06 PM
పి వాసు దర్శకత్వంలో స్టార్ కొరియోగ్రాఫర్‌-నటుడు-దర్శకుడు రాఘవ లారెన్స్ 'చంద్రముఖి 2' సినిమా చేస్తున్న సంగతి అందరికి తెలిసిందే. తాజాగా ఇటీవలే విడుదలైన రాఘవ లారెన్స్ ఫస్ట్ లుక్ పోస్టర్ కి ప్రేక్షేకుల నుండి మంచి స్పందన వచ్చింది. తాజా సమాచారం ప్రకారం, ఈ సినిమా ఆడియో హక్కులను సోనీ మ్యూజిక్ భారీ మొత్తానికి సొంతం చేసుకున్నట్లు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసి ప్రకటించారు.
ఈ చిత్రంలో హిందీ నటి కంగనా రనౌత్ కథానాయికగా నటిస్తోంది. ఈ సినిమాలో వడివేలు, రాధికా శరత్‌కుమార్, లక్ష్మీ మీనన్ మరియు ఇతరులు కూడా ముఖ్యమైన పాత్రల్లో నటిస్తున్నారు. ఈ చిత్రాన్ని సెప్టెంబర్ 2023లో థియేటర్లలో విడుదల చేసేందుకు మూవీ మేకర్స్ ప్లాన్ చేస్తున్నారు. ఈ చిత్రానికి ఆస్కార్ విన్నింగ్ కంపోజర్ MM కీరవాణి సంగీత దర్శకుడు, ప్రముఖ తమిళ నిర్మాణ సంస్థ లైకా ప్రొడక్షన్స్ భారీ బడ్జెట్‌తో ఈ ప్రాజెక్ట్‌ని నిర్మిస్తుంది.
|
|