రామ్ గోపాల్ వర్మ పవన్ కళ్యాణ్ ని ఆకాశానికి ఎత్తేశాడు
cinema | Suryaa Desk | Published : Mon, Feb 25, 2019, 02:54 PM
టైటిల్ చూస్తే.. ఇంత ఘాటుగా స్పైసీగా ఏకేవాడు.. ఏపీ కోసం పీకేని పొగిడేదైనా.. తిట్టేవాడెవడైనా ఉన్నాడంటే అది ఇంకెవరు వివాదాస్పద దర్శకుడు రామ్ గోపాల్ వర్మేగా. తాజాగా జనసేన అధినేత, పవర్ స్టార్ పవన్ కళ్యాణ్పై ఆసక్తికర పవర్ ఫుల్ పొలిటికల్ పంచ్లు పేల్చేడు రామ్ గోపాల్ వర్మ.
నిన్న మొన్నటి వరకూ మెగా ఫ్యామిలీని టార్గెట్ చేస్తూ.. పవర్ స్టార్ పవన్ కళ్యాణ్, జనసేన పార్టీపై విమర్శలు గుప్పించిన రామ్ గోపాల్ వర్మకు సడెన్గా పవన్ నైజం, నిజాయితీ, పవర్లు గుర్తుకు వచ్చాయి. ‘సీబీఎన్.. పీకేని గత ఎన్నికల్లో అలవాటు ప్రకారం వెన్నుపోటు పొడిచినందుకు ప్రతీకారంగా రానున్న ఎన్నికలలో పవన్ కళ్యాణ్ తన నైజములో ఉన్న నిజాయితీతో నారా చంద్రబాబు నాయుడుని ముందుపోటు పొడుస్తాడని పీకే పవర్ మీద నా అత్యంత మెగా నమ్మకం’ అంటూ ఓ పోస్ట్ వదిలిన వర్మ ఆ వెంటనే మరో పోస్ట్ పెట్టాడు.
‘బ్రహ్మం గారు నాకు చెవిలో చెప్పంది.. పవన్ కళ్యాణ్ గెలిస్తే ఏపీలో సీఎం అవుతాడు.. గెలవకపోతే గెలిచిన సీఎంకి మొగుడౌతాడు.. తదాస్తు’ అంటూ ఏపీ రాజకీయాలపై ఆసక్తికరమైన వ్యాఖ్యలు చేశారు. గత రాత్రి వర్మ చేసిన ఈ పోస్ట్ సోషల్ మీడియాలో వైరల్ అవుతోంది.
|
|