ట్రెండింగ్
'దేవర' తదుపరి షెడ్యూల్ కోసం హైదరాబాద్ కు బయలుదేరిన సైఫ్ అలీఖాన్
cinema | Suryaa Desk | Published : Wed, Aug 09, 2023, 07:21 PM
కొరటాల శివ డైరెక్షన్ లో టాలీవుడ్ యంగ్ టైగర్ జూనియర్ ఎన్టీఆర్ ఒక చిత్రాన్ని ప్రకటించిన విషయం అందరికి తెలిసిందే. ఈ పాన్-ఇండియన్ చిత్రానికి 'దేవర' అనే టైటిల్ ని మూవీ మేకర్స్ లాక్ చేసారు. దేవర సినిమాలో సైఫ్ అలీఖాన్ విలన్‌గా నటిస్తుండగా చిత్ర బృందం ఇప్పటికే నటుడిపై కొన్ని సన్నివేశాలను రూపొందించింది. తాజాగా ఇప్పుడు హైదరాబాద్‌లో జరిగే ఈ సినిమా యొక్క తదుపరి షెడ్యూల్‌లో సైఫ్ జాయిన్ అయ్యినట్లు సమాచారం.
ఈ సినిమాలో జూనియర్ ఎన్టీఆర్ సరసన బాలీవుడ్ బ్యూటీ జాన్వీ కపూర్ జోడిగా నటిస్తుంది. ఈ చిత్రం ఏప్రిల్ 5, 2024న విడుదల కానుంది. సౌత్ ఇండియన్ మ్యూజిక్ సెన్సేషన్ అనిరుధ్ రవిచందర్ ఈ సినిమాకి మ్యూజిక్ కంపోజ్ చేస్తున్నట్లు సమాచారం. కళ్యాణ్ రామ్, ఎన్టీఆర్ ఆర్ట్స్ బ్యానర్‌తో కలిసి యువసుధ ఆర్ట్స్ బ్యానర్ ఎ ఈ సినిమాని నిర్మిస్తున్నారు.
|
|