ట్రెండింగ్
'కెప్టెన్ మిల్లర్' సినిమా గురించిన లేటెస్ట్ అప్డేట్
cinema | Suryaa Desk | Published : Thu, Aug 10, 2023, 06:37 PM
అరుణ్ మాథేశ్వరన్ దర్శకత్వంలో కోలీవుడ్ స్టార్ హీరో ధనుష్ 'కెప్టెన్ మిల్లర్' సినిమా చేస్తున్న సంగతి అందరికి తెలిసిందే. యాక్షన్ డ్రామాగా తెరకెక్కుతున్న ఈ సినిమా టీజర్ అంచనాలను పెంచేసింది. అందరూ ఎంతో ఆసక్తిగా ఎదురుచూస్తున్న ఈ సినిమా ప్రమోషన్స్ కోసం మూవీ టీమ్ అద్భుతమైన వ్యూహంతో ముందుకు వచ్చింది. రేపటి నుంచి తమిళనాడు, తెలంగాణ, ఆంధ్రప్రదేశ్, కర్ణాటక, కేరళ రాష్ట్రాల్లో 3500 స్క్రీన్లలో ఈ సినిమా టీజర్‌ను ప్రదర్శించనున్నారు.
ఈ యాక్షన్ థ్రిల్లర్ లో కన్నడ స్టార్ హీరో శివరాజ్‌కుమార్, ప్రియాంక అరుల్ మోహన్, తెలుగు హీరో సందీప్ కిషన్, నివేదిత సతీష్, ఎడ్వర్డ్ సోన్నెన్‌బ్లిక్ కీలక పాత్రల్లో నటిస్తున్నారు. ఈ చిత్రానికి జివి ప్రకాష్ సంగీత దర్శకుడు. ఈ చిత్రాన్ని జి. శరవణన్, సాయి సిద్ధార్థ్‌లు సంయుక్తంగా నిర్మిస్తున్నారు.
|
|