'భోలా శంకర్' హిందీ వెర్షన్ విడుదలకి తేదీ లాక్
cinema | Suryaa Desk | Published : Tue, Aug 15, 2023, 08:56 PM
మెహర్ రమేష్ దర్శకత్వంలో టాలీవుడ్ మెగాస్టార్ చిరంజీవి నటించిన "భోళా శంకర్" సినిమా ఆగస్ట్ 11, 2023న ప్రపంచవ్యాప్తంగా థియేటర్స్ లో విడుదల అయ్యి అన్ని చోట్ల మిక్స్డ్ రివ్యూస్ ని సొంతం చేసుకుంటుంది. లేటెస్ట్ అప్డేట్ ప్రకారం, ఈ సినిమా హిందీ వెర్షన్ ఇప్పుడు ఆగస్ట్ 25, 2023న థియేటర్లలోకి రానుంది. RKD స్టూడియోస్ ఈ సినిమా హిందీ వెర్షన్ యొక్క టీజర్ ని విడుదల చేసి ప్రకటించారు. ఈ సినిమా హిందీ వెర్షన్ కి బాలీవుడ్ స్టార్ హీరో జాకీ ష్రాఫ్ చిరంజీవి పాత్రకు వాయిస్ ఓవర్ ని అందించారు.
ఈ యాక్షన్ ఎంటర్‌టైనర్‌లో చిరు సరసన మిల్కీ బ్యూటీ తమన్నా భాటియా కథానాయికగా నటిస్తోంది. ఈ మెగా భారీ యాక్షన్ ఎంటర్‌టైనర్ లో రావు రమేష్, మురళీ శర్మ, తులసి, వెన్నెల కిషోర్, కీర్తి సురేష్, రఘుబాబు, రవిశంకర్, శ్రీ ముఖి, రష్మీ గౌతమ్, ఉత్తేజ్ తదితరులు కీలక పాత్రలు పోషిస్తున్నారు. ఈ చిత్రం తమిళంలో సూపర్ హిట్ మూవీ వేదాళం యొక్క అధికారిక తెలుగు రీమేక్. ఎకె ఎంటర్‌టైన్‌మెంట్స్ ఈ సినిమాని నిర్మిస్తున్నారు. మహతి స్వర సాగర్ సంగీతం అందిస్తున్నారు.
|
|