ట్రెండింగ్
సంగీతానికి ఎక్కువ అవకాశం ఉన్న సినిమా
cinema | Suryaa Desk | Published : Mon, Aug 28, 2023, 02:02 PM
మలయాళ ‘హృదయం’ ఆల్బమ్‌తో పాపులర్‌ అయిన సంగీత దర్శకుడు హేషమ్‌ అబ్దుల్‌ వాహబ్‌. తెలుగులో తొలిసారి ఆయన సంగీతం అందించిన చిత్రం ‘ఖుషి’. విజయ్‌ దేవరకొండ, సమంత జంటగా నటించిన ఈ చిత్రానికి శివ నిర్వాణ దర్శకుడు. సెప్టెంబరు 1న విడుదల అవుతోంది. ఈ సందర్భంగా హైదరాబాద్‌లో ఏర్పాటు చేసిన పాత్రికేయుల సమావేశంలో హేషమ్‌ మాట్లాడారు. హృదయం హిట్‌ అయిన తరవాత తెలుగు నుంచి వచ్చిన తొలి అవకాశం ‘ఖుషి’. మైత్రీ మూవీస్‌ నుంచి ఓరోజు ఫోన్‌ వచ్చింది. కథ వినమన్నారు. శివ నిర్వాణ ‘ఖుషి’ కథ చెప్పగానే బాగా నచ్చేసింది. ఈ సినిమాకి అద్భుతమైన ట్యూన్స్‌ ఇవ్వొచ్చు అనిపించింది. ఆరోజు నుంచి ఇప్పటి వరకూ ఈ జర్నీని ఆస్వాదిస్తూనే ఉన్నా అని అన్నారు.
|
|