ట్రెండింగ్
'టైగర్ నాగేశ్వరరావు' మూవీకి ఏపీ హైకోర్టు నోటీసులు జారీ
cinema | Suryaa Desk | Published : Thu, Aug 31, 2023, 11:56 PM
మాస్ మహారాజా రవితేజ హీరోగా నటిస్తున్న సినిమా 'టైగర్ నాగేశ్వరరావు'. ఈ సినిమాకి వంశీ దర్శకత్వం వహిస్తున్నాడు. ఈ సినిమా స్టూవర్టుపురంలో గజదొంగగా పేరుగాంచిన టైగర్ నాగేశ్వరరావు జీవిత కథ ఆధారంగా తెరకెక్కింది. తాజాగా ఈ సినిమా టీజర్‌ను విడుదల చేశారు మేకర్స్. అయితే ఈ టీజర్‌కు సంబంధించి చిత్ర నిర్మాతలకు ఏపీ హైకోర్టు నుంచి నోటీసులు అందాయి. స్టువర్టుపురం గ్రామ ప్రజల గౌరవం, సమాజం మనోభావాలు దెబ్బతినేలా ‘టైగర్ నాగేశ్వరరావు’ సినిమా తీస్తున్నారని చుక్కా పాల్‌రాజ్ అనే వ్యక్తి ఏపీ హైకోర్టులో పిటిషన్ దాఖలు చేశారు. ఈ పిల్‌ను విచారించిన న్యాయస్థానం.. దీనిపై వివరణ ఇవ్వాలని చిత్ర నిర్మాతలను కోరుతూ నోటీసులు జారీ చేసింది. ఈ సినిమాని అభిషేక్‌ అగర్వాల్‌ ఆర్ట్స్ బ్యానర్ నిర్మిస్తుంది.
|
|
