నారా రోహిత్ 'ప్రతినిధి 2' లో ప్రముఖ బెంగాలీ నటుడు
cinema | Suryaa Desk | Published : Wed, Sep 06, 2023, 08:48 PM
టాలీవుడ్ యంగ్ హీరో నారా రోహిత్ కెరీర్‌లో ప్రతినిధి సినిమా మైలురాయిగా నిలిచింది. గత కొంతకాలంగా సినిమాల్లో పెద్దగా కనిపించకపోవడంతో ఈ హీరో కాస్త విరామం తీసుకున్నాడు. అయితే పొలిటికల్ సీజన్ నడుస్తుండడంతో కొత్త సినిమాతో ప్రేక్షకుల ముందుకు రావడానికి ఈ స్టార్ హీరో రెడీ అవుతున్నాడు. తాజాగా ఇప్పుడు 'ప్రతినిధి 2' సినిమాని ప్రకటించిన సంగతి అందరికి తెలిసిందే. ఈ సినిమా షూటింగ్ ఇటీవలే సెట్స్‌పైకి వచ్చింది.
లేటెస్ట్ అప్డేట్ ప్రకారం, ప్రముఖ బెంగాలీ నటుడు జిషు సేన్‌గుప్తా ఈ చిత్రంలో కీలక పాత్ర పోషిస్తున్నారు. కొన్ని రోజుల క్రితమే సెట్స్‌లోకి జాయిన్ అయ్యి నారా రోహిత్‌తో కొన్ని కీలక సన్నివేశాలను చేసినట్లు సమాచారం. ఈ చిత్రంలో జిషు సాలిడ్ రోల్‌లో కనిపించనున్నాడని సమాచారం. మూర్తి దేవగుప్తాపు దర్శకత్వం వహిస్తున్న ఈ చిత్రాన్ని కుమార్రాజా బత్తుల, ఆంజనేయులు శ్రీ తోట, కొండకళ్ల రాజేందర్ రెడ్డి నిర్మిస్తున్నారు.
|
|