ప్రభాస్ 'సాలార్' కోసం పరిశీలనలో మూడు విడుదల తేదీలు
cinema | Suryaa Desk | Published : Wed, Sep 13, 2023, 08:40 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. ప్రస్తుతం భారతదేశంలో అత్యధికంగా ఎదురుచూస్తున్న చిత్రాలలో సాలార్ ఒకటి. సెప్టెంబరు 28, 2023న విడుదల కావాల్సిన ఈ సినిమా తొలి విడుదల తేదీ వాయిదా పడింది. ఖచ్చితమైన రీషెడ్యూల్ విడుదల తేదీ ఇంకా మూవీ మేకర్స్ నుండి అధికారికంగా ప్రకటించబడలేదు.
లేటెస్ట్ బజ్ ప్రకారం, నవంబర్ 24, 2023, డిసెంబర్ 22, 2023 లేదా జనవరి 11, 2024న ఈ మూడు విడుదల తేదీలను మూవీ మేకర్స్ పరిశీలిస్తున్నట్లు వార్తలు వినిపిస్తున్నాయి. కొత్త విడుదల తేదీ అధికారిక ప్రకటన కోసం అభిమానులు ఆసక్తిగా ఎదురుచూస్తున్నారు. యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|