'హను-మాన్' గురించి తాజా అప్‌డేట్‌ను వెల్లడించిన దర్శకుడు
cinema | Suryaa Desk | Published : Wed, Sep 13, 2023, 08:51 PM
యంగ్ అండ్ టాలెంటెడ్ హీరో తేజ సజ్జా "ఓహ్ బేబీ", "అద్భుతం" వంటి సినిమాలతో ఆడియన్స్ ని ఆకట్టుకున్నాడు. ఈ హ్యాండ్సమ్ హీరో ఇప్పుడు పాన్ ఇండియా రేంజ్ లో ప్రశాంత్ వర్మ డైరెక్ట్ చేస్తున్న సూపర్ హీరో సినిమా 'హను-మాన్' లో నటిస్తున్నాడు. ఈ సినిమా షూటింగ్ పూర్తయి పోస్ట్ ప్రొడక్షన్ పనులు జరుగుతున్నాయి.
తాజాగా ఈరోజు దర్శకుడు తన సోషల్ మీడియా ప్రొఫైల్‌లో కొత్త అప్‌డేట్‌ను పంచుకున్నారు. ఈ చిత్రం ప్రమోషనల్ ఈవెంట్ వినాయక చవితి ప్రారంభమవుతుందని దర్శకుడు అధికారకంగా ప్రకటించారు. ఈ పాన్ ఇండియా చిత్రం జనవరి 12, 2024న వెండితెరపైకి రానుంది.
అమృత అయ్యర్ ఈ సినిమాలో తేజ సరసన నటిస్తుంది. డాక్టర్, ఓ మై డాగ్ చిత్రాలలో విలన్ పాత్రను పోషించిన వినయ్ రాయ్, ఈ సినిమాలో మైఖేల్ అనే విలన్ పాత్రలో నటిస్తున్నారు. అనుదీప్ దేవ్, హరి గౌర, జై క్రిష్ మరియు కృష్ణ సౌరభ్ ఈ చిత్రానికి సౌండ్‌ట్రాక్‌లు అందిస్తున్నారు. కె నిరంజన్ రెడ్డి తన ప్రైమ్ షో ఎంటర్‌టైన్‌మెంట్ బ్యానర్‌పై హను-మాన్ చిత్రాన్ని నిర్మిస్తున్నారు.
|
|