అట్లీ ఇంట్లో సందడి చేసిన కీర్తి సురేశ్‌
cinema | Suryaa Desk | Published : Fri, Sep 15, 2023, 03:48 PM
కీర్తి సురేశ్‌ సినిమాలే కాకుండా, అప్పుడప్పుడు సోషల్ మీడియాలో రీల్స్ చేస్తూ కూడా యువతని ఆకట్టుకుంటుంది. తాజాగా ఆమె చేసిన ఓ రీల్‌, అందులో ఆమె అల్లరి చేష్టలు నెటిజన్లను అలరిస్తున్నాయి. ‘జవాన్‌’ చిత్రాన్ని వీక్షించిన ఆమె తన ఆనందాన్ని దర్శకుడు అట్లీ కుటుంబంతో పంచుకున్నారు. అట్లీ ఇంటికి వెళ్లిన కీర్తి... ప్రియాంక అట్లీతో కలిసి డాన్స్‌లు వేసింది. ‘జవాన్‌’ చిత్రంలో ‘ఛలియే’ సాంగ్‌కు ఇద్దరూ కలిసి ఇన్‌స్టాగ్రామ్‌ రీల్స్ చేశారు. డాన్స్‌ చేస్తుండగా అట్లీ తన పెంపుడు కుక్కపిల్ల బెక్కీతో కలిసి కీర్తి, ప్రియాంక చుట్టూ ప్రదక్షిణ చేస్తున్నట్లుగా తిరిగాడు. అట్లీతో ఉన్న కుక్కపిల్లను ముద్డాడాలని గెంతుతూ ముందుకొచ్చిన కీర్తి సురేశ్‌ని బెక్కీ కాలును పట్టుకోబోయింది. అంతే ఒక్కసారిగా వెనక్కి పరుగుతీసింది సైలైంట్‌గా నిలబడిపోయింది కీర్తి. ప్రస్తుతం ఈ వీడియో నెట్టింట వైరల్‌ అవుతోంది.
|
|