పాన్ వరల్డ్ రేంజ్ లో విడుదల కానున్న ‘హను-మాన్’
cinema | Suryaa Desk | Published : Tue, Sep 19, 2023, 03:01 PM
క్రియేటివ్ డైరెక్టర్ ప్రశాంత్ వర్మ సినిమాటిక్ యూనివర్స్ నుంచి వస్తున్న తొలి చిత్రం ‘హను-మాన్’. యంగ్ హీరో తేజ సజ్జా హీరోగా నటిస్తున్న ఈ చిత్రం.. ప్రస్తుతం పోస్ట్ ప్రొడక్షన్ పనులు జరుపుకుంటోంది. ఈ చిత్రానికి హై-ఎండ్ వీఎఫ్ఎక్స్ వుండటంతో ప్రపంచవ్యాప్తంగా ఉన్న ప్రేక్షకులకు బెస్ట్ సినిమాటిక్ అనుభూతిని అందించడానికి టీమ్ చాలా జాగ్రత్తలు తీసుకుంటోంది. తాజాగా హను-మాన్ టీమ్ అందరికీ గణేష్ చతుర్థి శుభాకాంక్షలు తెలియజేస్తూ.. పండుగ సందడితో నిండిన పర్ఫెక్ట్ పోస్టర్‌ను విడుదల చేసింది. ఈ పోస్టర్‌లో తేజ సజ్జా ట్రెడిషినల్ అవతార్‌లో కనిపించారు. తన చుట్టూ భారీ గుంపుతో గణేష్ చతుర్థి పండుగను జరుపుకుంటున్నారు. మేకర్స్ త్వరలో మరికొన్ని ఎక్సయిటింగ్ అప్‌డేట్‌లతో వచ్చేందుకు రెడీ అవుతున్నారు. హను-మాన్ తెలుగు, హిందీ, మరాఠీ, తమిళం, కన్నడ, మలయాళం, ఇంగ్లీష్, స్పానిష్, కొరియన్, చైనీస్, జపనీస్‌తో సహా పలు భారతీయ భాషలలో పాన్ వరల్డ్ విడుదల కానుంది.
|
|