డెవిల్: సిద్ శ్రీరామ్ పాడిన 'మాయే చేసి' ఫస్ట్ సింగల్ అవుట్
cinema | Suryaa Desk | Published : Tue, Sep 19, 2023, 07:24 PM
నవీన్ మేడారం దర్శకత్వంలోనందమూరి కళ్యాణ్ రామ్ తన తదుపరి సినిమాని ప్రకటించిన సంగతి అందరికి తెలిసిందే. ఈ చిత్రానికి 'డెవిల్' అనే టైటిల్ ని మూవీ మేకర్స్ లాక్ చేసారు. ఇటీవలే విడుదలైన టీజర్‌తో సినిమాపై ప్రేక్షకులు ఆసక్తిగా ఎదురుచూస్తున్నారు. తాజాగా మూవీ మేకర్స్ ఈ రోజు ఈ సినిమా యొక్క మొదటి సింగిల్ ని మాయే చేసిని అనే టైటిల్ తో ఆవిష్కరించారు. నాస్టాల్జిక్ వైబ్‌తో కూడిన ఈ మెలోడీ పాటకి సిద్ శ్రీరామ్ గాత్రం అందించారు.
ఈ స్పై థ్రిల్లర్ డెవిల్ లో కళ్యాణ్ రామ్ సరసన సంయుక్త మీనన్ జోడిగా కనిపించనుంది. ఈ చిత్రం నవంబర్ 24, 2023న ప్రపంచవ్యాప్తంగా థియేటర్లలోకి రానుంది. అభిషేక్ పిక్చర్స్ భారీ ఎత్తున నిర్మిస్తున్న ఈ పీరియాడికల్ డ్రామాలో కళ్యాణ్ రామ్ ఒక చీకటి రహస్యాన్ని ఛేదించే లక్ష్యంతో నిర్భయ బ్రిటిష్ సీక్రెట్ ఏజెంట్‌గా కనిపిస్తారు. ఈ చిత్రానికి హర్షవర్ధన్ రామేశ్వర్ సంగీత అందిస్తున్నారు.
|
|