'తెప్ప సముద్రం' చిత్రం నుండి పాట విడుదల
cinema | Suryaa Desk | Published : Thu, Sep 21, 2023, 03:02 PM
శ్రీమణి ఎంటర్‌టైన్‌మెంట్స్ పతాకంపై అర్జున్ అంబటి, చైతన్యరావు హీరోలుగా.. ‘కొరమీను’ ఫేమ్ కిశోరి దాత్రక్ హీరోయిన్‌గా రవి శంకర్ ప్రధాన పాత్రలో నటించిన చిత్రం ‘తెప్ప సముద్రం’. సతీష్ రాపోలు దర్శకత్వంలో నీరుకంటి రాఘవేందర్ గౌడ్ ఈ చిత్రాన్ని నిర్మించారు. ఈ చిత్రానికి పి.ఆర్ మ్యూజిక్ అందించారు. తాజాగా వినాయక చవితిని పురస్కరించుకుని ఈ సినిమా నుంచి ప్రేక్షకులను తన గాత్రంతో ఉర్రూతలూగిస్తోన్న సింగర్ మంగ్లీ పాడిన మాస్ బీట్ సాంగ్ ‘యాడున్నాడో’ను ఎమ్ఆర్‌టి ఆడియో ద్వారా మేకర్స్ విడుదల చేశారు. కాబోయే వాడు కోసం ఓ యువతి పాడుకునే పాటలా.. ఈ సాంగ్‌ని మంచి మాస్ బీట్‌తో కంపోజ్ చేశారు. ప్రస్తుతం ఈ పాట టాప్‌లో ట్రెండ్ అవుతోంది. ఈ సందర్భంగా నిర్మాత రాఘవేందర్ గౌడ్ మాట్లాడుతూ.. సింగర్ మంగ్లీ పాడిన మాస్ బీట్ సాంగ్ ‘యాడున్నాడో’కు మంచి స్పందన వస్తున్నందుకు చాలా సంతోషంగా ఉంది. అన్ని కార్యక్రమాలు పూర్తి చేసుకుని త్వరలోనే సినిమా రిలీజ్ డేట్‌ని ప్రకటిస్తామని తెలిపారు.
|
|
