అందరు ఆశ్చర్యపోయే బయోపిక్‌ ఇది
cinema | Suryaa Desk | Published : Tue, Oct 03, 2023, 04:46 PM
శివలెంక కృష్ణ ప్రసాద్‌ నిర్మాతగా ఎం.ఎ్‌స.శ్రీపతి దర్శకత్వంలో రూపొందించిన చిత్రం ‘800’. అక్టోబరు 6న తెలుగు, హిందీ భాషల్లో విడుదల అవుతోంది. ఈ సందర్భంగా నిర్మాత మాట్లాడుతూ ‘‘దర్శకుడు శ్రీపతి నాకు ముందు నుంచీ తెలుసు. సహాయ దర్శకుడిగా తన పనితీరు ముందు నుంచీ పరిశీలిస్తున్నా. మా సంస్థలోనే తనకు దర్శకుడిగా తొలి అవకాశం ఇద్దామనుకొన్నా. కానీ ‘800’ చిత్రంతో దర్శకుడిగా అవకాశం వచ్చింది. ఈ సినిమాకు వేరే నిర్మాతని అనుకొన్నారు. కానీ చివరికి నేనే చేయాల్సివచ్చింది. ఓ మనిషి జీవితం ఇలా ఉంటుందా? అని అంతా ఆశ్చర్యపోయే బయోపిక్‌ ఇది. మురళీధరన్‌ పాత్రకు నానిని కూడా సంప్రదించాం. అయితే అప్పటికే తను ‘జెర్సీ’ చేశాడు. అది కూడా క్రికెట్‌ కథే. అందుకే ఈ సినిమా చేయనన్నాడు. కథ విని ‘చాలా బాగుంది’ అని మెచ్చుకొన్నాడు. దేశ వ్యాప్తంగా సుమారు 1100 థియేటర్లలో ఈ చిత్రాన్ని విడుదల చేస్తున్నాం. ఎక్కువగా మల్టీప్లెక్స్‌లపై దృష్టి పెట్టాం. మెల్లమెల్లగా థియేటర్లు పెంచుకొంటూ వెళ్తాం. ఈ సినిమాపై నాకు పూర్తి నమ్మకం ఉంది. కచ్చితంగా అందరి అంచనాల్నీ అందుకొంటుంద’’న్నారు.
|
|
