ఈ ఘనత సాధించిన తొలి భారతీయ చిత్రంగా 'జవాన్'
cinema | Suryaa Desk | Published : Fri, Oct 06, 2023, 08:00 PM
సౌత్ డైరెక్టర్ అట్లీ దర్శకత్వంలో బాలీవుడ్ కింగ్ ఖాన్ షారుక్ ఖాన్ నటించిన 'జవాన్' సినిమా సెప్టెంబర్ 7, 2023న ప్రపంచవ్యాప్తంగా ప్రేక్షకుల ముందుకు వచ్చింది. ఈ సినిమా విడుదలైన అన్ని చోట్ల పాజిటివ్ టాక్ ని సొంతం చేసుకొని సాలిడ్ కలెక్షన్స్ ని రాబట్టింది. లేటెస్ట్ అప్డేట్ ప్రకారం, జవాన్ సినిమా మిడిల్ ఈస్ట్ రీజియన్‌లో అత్యధిక వసూళ్లు సాధించిన భారతీయ చిత్రంగా చరిత్ర సృష్టించింది. ఈ ప్రాంతంలో 16 మిలియన్ డాలర్లు (సుమారు 133 కోట్లు) దాటిన తొలి భారతీయ చిత్రం గా జవాన్ నిలిచింది.
ఈ మూవీలో షారూఖ్ ఖాన్ సరసన జోడిగా లేడీ సూపర్ స్టార్ నయనతార నటిస్తుంది. ఈ పాన్-ఇండియా ప్రాజెక్ట్‌లో కోలీవుడ్ స్టార్ హీరో విజయ్ సేతుపతి, ప్రియమణి, సన్యా మల్హోత్రా అండ్ సునీల్ గ్రోవర్ కీలక పాత్రలు పోషిస్తున్నారు. రెడ్ చిల్లీస్ ఎంటర్‌టైన్‌మెంట్ ఈ సినిమాని నిర్మిస్తుంది. ఈ చిత్రానికి అనిరుధ్ రవిచందర్ సంగీతం అందించనున్నారు.
|
|