2025లో బ్ర‌హ్మాస్త్ర 2 షూటింగ్ ప్రారంభిస్తాము
cinema | Suryaa Desk | Published : Wed, Oct 25, 2023, 03:47 PM
బాలీవుడ్‌లోనే అత్యంత భారీ బ‌డ్జెట్‌తో ఐదు సంవ‌త్స‌రాల పాటు షూటింగ్ చేసుకున్న చిత్రంగా బ్ర‌హ్మాస్త్రకి పేరుంది. క‌రోనాకు రెండు సంవ‌త్స‌రాల ముందు ప్రారంభ‌మైన ఈ చిత్రం 2022 సెప్టెంబ‌ర్‌లో విడుద‌లై మంచి విజ‌యం సాధించింది. ఇందులోని పాట‌లు ఇప్పటికీ ట్రెండింగ్‌లో ఉన్నాయి. అయాన్ ముఖ‌ర్జీ ద‌ర్శ‌క‌త్వంలో ర‌ణ‌బీర్ కపూర్, అలియాభ‌ట్ హీరోహీరోయిన్లుగా వ‌చ్చిన ఈ చిత్రంలో అమితాబ‌చ్చ‌న్‌, షారుఖ్‌ఖాన్‌, నాగార్జున వంటి సీనియ‌ర్ న‌టులు కీలక పాత్ర‌లు పోషించారు. ఇటీవ‌ల ఓ కార్య‌క్ర‌మంలో బ్ర‌హ్మ‌స్త సినిమా విష‌యాల‌ను హీరో ర‌ణ‌బీర్ కపూర్ మీడియాతో పంచుకున్నారు. పార్ట్1 లో శివ, ఇషాల మ‌ధ్య ప్రేమ స‌న్నివేశాలు, సినిమా డైలాగ్స్ విష‌మంలో విమ‌ర్శ‌లు వ‌చ్చాయ‌ని, రాబోయే పార్ట్2లో అలాంటి త‌ప్పులు జ‌రుగ‌కుండా చూసుకుంటామ‌ని అన్నారు. అయాన్ ముఖ‌ర్జీ ప్ర‌స్తుతం హృతిక్‌, జూ.ఎన్టీఆర్‌ల‌తో చేస్తున్న ‘వార్‌2’ సినిమా బిజీలో ఉన్నాడ‌ని, ఆ చిత్రం షూటింగ్ 2024లో ముగుస్తుంద‌ని.. అది పూర్తవ‌గానే 2025లో బ్ర‌హ్మాస్త్ర 2 షూటింగ్ ప్రారంభిస్తామ‌ని చెప్పారు. ఇప్ప‌టికే సినిమాకు ప్రీ ప్రొడ‌క్ష‌న్ ప‌నులు పూర్త‌య్యాయ‌ని, స్క్రిప్ట్ రెడీగా ఉంద‌ని చెప్పుకొచ్చారు.
|
|