ఈ నెల 3న విడుదలకి సిద్ధమైన ‘అనుకున్నవన్నీ జరగవు కొన్ని’
cinema | Suryaa Desk | Published : Wed, Nov 01, 2023, 04:38 PM
శ్రీరామ్‌ నిమ్మల, కలపాల మౌనిక జంటగా నటించిన ‘అనుకున్నవన్నీ జరగవు కొన్ని’ చిత్రం ఈ నెల 3న విడుదల కానుంది. జి.సందీప్‌ దర్శకత్వంలో భరత్‌ ఆర్ట్స్‌ సంస్థ నిర్మించింది. సోమవారం ప్రసాద్‌ ప్రీవ్యూ థియేటర్‌లో ఏర్పాటు చేసిన కార్యక్రమంలో ట్రైలర్‌ను విడుదల చేశారు. సినిమాలో ఓ పాత్ర పోషించిన కిరీటి దామరాజు మాట్లాడుతూ ‘ప్రతి ఒక్కరి జీవితంలో జరిగేవే ఈ సినిమాలో చూపించారు. మనం ఎన్నో అనుకుంటాం. కానీ కొన్నే జరుగుతాయి. అదే ఈ సినిమా. దర్శకుడు సందీప్‌ సినిమాను అద్భుతంగా తీయడంతో పాటు నిర్మాణ బాధ్యతలు కూడా స్వీకరించారు’ అన్నారు. ‘కథ అంతా సిద్దం చేసుకుని నిర్మాత కోసం వెతుకుతున్న తరుణంలో నేనే ఈ సినిమా తీస్తే ఎలా ఉంటుందా అని ఆలోచించా. అమ్మానాన్నలకు చెప్పగానే వాళ్లు కూడా ప్రోత్సహించారు. ఈ చిత్ర నిర్మాణంలో నవీన నాకెంతో సహకరించారు. ఇది క్రైమ్‌ కామెడీ థ్రిల్లర్‌. తప్పకుండా హిట్‌ అవుతుందనే నమ్మకం ఉంది’ అన్నారు హీరో శ్రీరామ్‌. ‘లాక్‌డౌన్‌ వల్ల నా మొదటి సినిమా థియేటర్లలో విడుదల కాలేదు. ఈ చిత్రం రిలీజ్‌ అవుతున్నందుకు ఆనందంగా ఉంది’ అన్నారు హీరోయిన్‌ మౌనిక.
|
|