వాయిదా పడిన 'ఆదికేశవ'
cinema | Suryaa Desk | Published : Wed, Nov 01, 2023, 04:41 PM
వైష్ణవ తేజ్, శ్రీలీల జంటగా నటించిన 'ఆదికేశవ' సినిమా కూడా విడుదల వాయిదా పడింది. ఈ సినిమా ఈ నెల 10వ తేదీన విడుదల కావాల్సి వుంది, కానీ ఈ సినిమా నిర్మాత సూర్యదేవర నాగవంశీ ఈ సినిమాని నవంబర్ 24న విడుదల చేస్తున్నట్టుగా ప్రకటించాడు. ఈ సినిమాని సితార ఎంటర్ టైనమెంట్స్ నిర్మిస్తున్నారు. ఈ సినిమా ప్రచారాలు కూడా ప్రారంభించారు, కానీ ఇప్పుడు విడుదల వాయిదా వేశారు. ప్రపంచ క్రికెట్ కప్ మ్యాచ్ లు జరుగుతున్న దృష్ట్యా అందులోకి ఇండియా మ్యాచ్ ఆడే రోజు సినిమా థియేటర్స్ లో కలెక్షన్స్ బాగా పడిపోతున్నాయి. ఎందుకంటే ఆ విషయం నాకు 'మాడ్' , 'లియో' సినిమాలప్పుడు తెలిసింది. ఎందుకంటే ఇండియా మ్యాచ్ లు జరిగినప్పుడు కలెక్షన్స్ దారుణంగా పడిపోయాయి. అందుకనే ఈ 'ఆదికేశవ' సినిమా కూడా విడుదలని నవంబర్ 24 కి వాయిదా వేస్తున్నట్టు చెప్పారు నాగ వంశి. ఈ విషయం డిస్ట్రిబ్యూటర్స్, ఇతర సభ్యులతో కూడా మాట్లాడి పోస్టుపోన్ చేసినట్టు చెప్పారు. అలాగే కేవలం ప్రపంచ క్రికెట్ కప్ మ్యాచ్ లు వలన ప్రేక్షకులు థియేటర్స్ రాకపోవటం వలన ఈ సినిమా వాయిదా వేస్తున్నట్టు ప్రకటించారు. అలాగే దీపావళికి సల్మాన్ ఖాన్ 'టైగర్ 3' కూడా వస్తోంది అని, రెవిన్యూ షేర్ చేసుకోవటం ఇష్టం లేదని అది కూడా ఒక కారణం అని ప్రకటించారు.
|
|