ఈనెల 10న విడుదలకి సిద్ధమైన ‘జిగర్‌తండ డబుల్‌ ఎక్స్‌ఎల్‌’
cinema | Suryaa Desk | Published : Mon, Nov 06, 2023, 02:21 PM
లారెన్స్‌, ఎస్‌.జె.సూర్య ప్రధాన పాత్రలు పోషించిన చిత్రం ‘జిగర్‌తండ డబుల్‌ ఎక్స్‌ఎల్‌’. కార్తీక్‌ సుబ్బరాజ్‌ దర్శకత్వం వహించారు. కార్తికేయన్‌ నిర్మించారు. ఈనెల 10న విడుదల అవుతోంది. ఈ సందర్భంగా హైదరాబాద్‌లో ప్రీరిలీజ్‌ వేడుక నిర్వహించారు. ముఖ్య అతిథిగా విచ్చేసిన వెంకటేశ్‌ మాట్లాడుతూ ‘‘జిగర్‌ తండ ట్రైలర్‌ చూశా. అదిరిపోయింది. కార్తిక్‌ ప్రతిభావంతమైన దర్శకుడు. నా కోసం ఓ స్ర్కిప్టు చేస్తాడేమో చూడాలి. లారెన్స్‌ కొరియోగ్రాఫర్‌ నుంచి మంచి నటుడిగా మారాడు. సూర్య ‘ఖుషి’లాంటి సూపర్ హిట్‌ సినిమా తీసిన దర్శకుడు. సంతోష్‌ నారాయణ్‌ నేపథ్య సంగీతం బాగుంటుంది. నా ‘గురు’ సినిమాలో పని చేశాడు. నాతో ఓ పాట కూడా పాడించాడు. వీళ్లందరూ కలిసి పనిచేసిన ఈ సినిమా కచ్చితంగా మంచి విజయం సాధిస్తుంద’’న్నారు. ‘‘ఇప్పటి వరకూ నేను చేసిన సినిమాలు వేరు. ఈ సినిమా వేరు. ఈ క్రెడిట్‌ మొత్తం దర్శకుడికే దక్కుతుంద’’న్నారు లారెన్స్‌. ‘‘పెద్ద పెద్ద డైలాగ్స్‌ని కూడా లుక్స్‌ ద్వారా ఎలా చెప్పాలనే విషయాన్ని ఈ సినిమాతో నేర్చుకొన్నా’’ అని సూర్య తెలిపారు. ‘‘నా సినిమా థియేటర్లో విడుదలై దాదాపు నాలుగున్నర సంవత్సరాలైంది. ఎవ్వరినీ ఈ సినిమా నిరాశ పరచదు’’ అన్నారు దర్శకుడు.
|
|