'దేవర' షూటింగ్ గురించిన లేటెస్ట్ అప్డేట్
cinema | Suryaa Desk | Published : Tue, Nov 07, 2023, 07:07 PM
కొరటాల శివ డైరెక్షన్ లో టాలీవుడ్ యంగ్ టైగర్ జూనియర్ ఎన్టీఆర్ ఒక చిత్రాన్ని ప్రకటించిన విషయం అందరికి తెలిసిందే. ఈ పాన్-ఇండియన్ చిత్రానికి 'దేవర' అనే టైటిల్ ని మూవీ మేకర్స్ లాక్ చేసారు. ప్రస్తుతం ఈ సినిమా నిర్మాణ దశలో ఉంది. తాజా అప్డేట్ ప్రకారం, కొన్ని వారాల క్రితం గోవాలో కిక్‌స్టార్ట్ చేసిన దేవర షూటింగ్ పూర్తి అయ్యినట్లు సమాచారం. ఈ షెడ్యూల్‌లో తారక్, జాన్వీ మరియు మరికొందరు కీలక నటీనటులు పాల్గొన్నారు.
ఈ సినిమాలో జూనియర్ ఎన్టీఆర్ సరసన బాలీవుడ్ బ్యూటీ జాన్వీ కపూర్ జోడిగా నటిస్తుంది. ఈ చిత్రం ఏప్రిల్ 5, 2024న విడుదల కానుంది. ఈ సినిమాలో సైఫ్ అలీ ఖాన్ కీలక పాత్ర పోషిస్తున్నారు. సౌత్ ఇండియన్ మ్యూజిక్ సెన్సేషన్ అనిరుధ్ రవిచందర్ ఈ సినిమాకి మ్యూజిక్ కంపోజ్ చేస్తున్నట్లు సమాచారం. కళ్యాణ్ రామ్, ఎన్టీఆర్ ఆర్ట్స్ బ్యానర్‌తో కలిసి యువసుధ ఆర్ట్స్ బ్యానర్ ఎ ఈ సినిమాని నిర్మిస్తున్నారు.
|
|