ఈ నెల 24న విడుదల కానున్న ‘దృవ నక్షత్రం’ ఛాప్టర్‌ వన్‌
cinema | Suryaa Desk | Published : Sat, Nov 11, 2023, 01:51 PM
తమిళ హీరో విక్రమ్‌ నటిస్తున్న పాన్‌ ఇండియా మూవీ ‘దృవ నక్షత్రం’. రీతూ వర్మ కథానాయిక. గౌతమ్‌ వాసుదేవ్‌ మీనన్‌ స్వీయ దర్శకత్వంలో నిర్మిస్తున్న ఈ చిత్రం రెండు భాగాలుగా విడుదల కానుంది. ఫస్ట్‌ పార్ట్‌ ‘దృవ నక్షత్రం’ ఛాప్టర్‌ వన్‌ .. యుద్ధకాండం’ ఈ నెల 24న విడుదల కానుంది. ఈ నేపథ్యంలో సినిమా ట్రైలర్‌ను గురువారం విడుదల చేశారు. చట్టంలోని రూల్స్‌ అండ్‌ రెగ్యులేషన్స్‌ ఉగ్రవాదులను ఎదుర్కొవడంలో తమకు అడ్డుగా మారుతున్నాయనీ, అందుకే చట్టంతో పనిలేని బేస్‌మెంట్‌ అనే ఓ కోవర్ట్‌ టీమ్‌ను తయారు చేసినట్లు ఎన్‌.ఎస్‌.జి. టీమ్‌లో ఉన్న ఓ సీనియర్‌ అధికారి వెల్లడించడంతో ట్రైలర్‌ మొదలవుతుంది. క్రికెట్‌ టీమ్‌లా 11 మంది ఉండే ఈ బేస్‌మెంట్‌ కోవర్ట్‌ టీమ్‌లోకి స్పెషలిస్ట్‌ ఆఫీసర్‌గా జాన్‌ వస్తారు. టీమ్‌ తరఫున టెర్రరిస్టులతో జాన్‌ చేసే పోరాటాన్ని ఆసక్తికరంగా చూపించారు. గ్రాండ్‌ మేకింగ్‌ వాల్యూస్‌, హై ఎండ్‌ యాక్షన్‌ సీక్వెన్సులు ఆకట్టుకున్నాయి. జాన్‌గా విక్రమ్‌ కూల్‌ అండ్‌ స్టయిలిస్ట్‌గా కనిపించారు. ఈ సినిమాతో దర్శకుడు గౌతమ్‌ వాసుదేవ్‌ మీనన్‌ ఓ కీలక పాత్ర పోషించారు.
|
|
