చరిత్ర సృష్టించిన 'టైగర్ 3'
cinema | Suryaa Desk | Published : Wed, Nov 15, 2023, 04:04 PM
సల్మాన్ ఖాన్, కత్రినా కైఫ్ జంటగా 'టైగర్ 3' సినిమా దీపావళి పండగ సందర్భంగా ఆదివారం విడుదలైంది. ఈ సినిమాకి కొంచెం మిశ్రమ టాక్ వచ్చినా, సల్మాన్ ఖాన్ తన సత్తా ఏంటో మరోసారి బాక్స్ ఆఫీస్ దగ్గర నిరూపించాడు. ఈ సినిమా గూఢచారి నేపథ్యంలో వచ్చిన మూడో సీక్వెల్. ఆదిత్య చోప్రా నిర్మాత, మనీష్ శర్మ దర్శకుడు. ఇందులో షా రుఖ్ ఖాన్ ఒక ప్రత్యేక అతిధి పాత్రలో కనిపిస్తాడు. చివర్లో హ్రితిక్ రోషన్ కూడా కనిపిస్తాడు. ఈ సినిమా దీపావళి రోజున విడుదలై మొదటి రోజు ఆల్ టైమ్ చరిత్ర సృష్టించింది. అలాగే సల్మాన్ ఖాన్ కెరీర్‌లోనే ఈ సినిమా బిగ్గెస్ట్ ఓపెనింగ్ తెచ్చి పెట్టింది. మొదటి రోజు హిందీ లో ఈ సినిమా రూ. 43 కోట్లు కలెక్టు చేసింది, అలాగే డ‌బ్బింగ్ వెర్ష‌న్ అంటే తెలుగు, తమిళం కలిపి రూ. 1.50 కోట్లు కలెక్టు చేసింది. మొత్తం ఈ సినిమా రూ. 44.50 కోట్లు వసూల్ చేసి చరిత్ర సృష్టించింది.
|
|