సోషల్ మీడియాలో వైరల్ అవుతున్న మాళవిక మోహనన్
cinema | Suryaa Desk | Published : Wed, Nov 15, 2023, 04:21 PM
మాలీవుడ్‌ నుంచి కోలీవుడ్‌కు దిగుమతి అయిన భామల్లో మాళవిక మోహనన్ ఒకరు. తమిళ సినీ ఇండస్ట్రీలో వరుస అవకాశాలు దక్కించుకుంటున్నారు. మరోవైపు, సోషల్ మీడియా వేదికగా అందాలను ఆరబోస్తూ.. ఎప్పుడూ ట్రెండింగ్‌లో ఉంటున్నారు. ఆమె షేర్‌ చేసే ఫొటోలు అభిమానుల మనసుల్లో గిలిగింతలు పెట్టిస్తున్నాయి. తాజాగా దీపావళి పండుగను పురస్కరించుకుని ఆమె కొన్ని ఫొటోలను సోషల్ మీడియాకు వదిలింది. ఈ ఫొటోలలో ఆమెను చూసిన వారంతా.. వావ్ అనేస్తున్నారంటే.. ఏ రేంజ్‌లో ఈ ఫొటోలు ఉన్నాయో అర్థం చేసుకోవచ్చు.ఈ ఫొటోలకు మాళవిక మోహనన్ ‘ఐ థింక్‌ ఐ క్లీన్‌ అప్‌ వెల్‌’ అనే క్యాప్షన్‌ జోడించింది. ఈ స్పెషల్ క్లిక్స్‌లో ఆమె ధరించిన డిజైనర్స్ అన్నీ కూడా మెరిసిపోతున్నాయి. మరీ ముఖ్యంగా ఆమె అభిమానులైతే ఆమెను దేవత అంటూ సంబోధిస్తున్నారు. అభిమానులు, నెటిజన్లు చేస్తున్న కామెంట్స్, రీ ట్వీట్స్‌తో ప్రస్తుతం ఈ ఫొటోలు సోషల్ మీడియాలో వైరల్ అవడమే కాకుండా.. మాళవికను ట్రెండింగ్‌లోకి తీసుకొచ్చేశాయి.
|
|
