భగవంత్ కేసరి : బాలకృష్ణ హిందీ డబ్బింగ్‌కి విస్తుపోతున్నా నెటిజన్లు
cinema | Suryaa Desk | Published : Sat, Nov 25, 2023, 02:15 PM
అనిల్ రావిపూడి దర్శకత్వంలో నటసింహ నందమూరి బాలకృష్ణ ఇటీవల నటించిన 'భగవంత్ కేసరి' సినిమాతో నందమూరి బాలకృష్ణ వరుసగా హ్యాట్రిక్ హిట్ అందుకున్నాడు. ఈ సినిమా యొక్క డిజిటల్ స్ట్రీమింగ్ రైట్స్ ని అమెజాన్ ప్రైమ్ వీడియో సొంతం చీసుకున్న సంగతి అందరికి తెలిసిందే. ఈ చిత్రం ప్రస్తుతం అమెజాన్ ప్రైమ్ వీడియోలో బహుళ భాషల్లో స్ట్రీమింగ్ కోసం అందుబాటులో ఉంది.
హిందీ వెర్షన్‌లో బాలకృష్ణ తన పాత్రకు డబ్బింగ్ చెప్పారు. తాజాగా ఇప్పుడు తన హిందీ డబ్బింగ్‌కి బాలకృష్ణ ప్రతి మూల నుండి ఘన ప్రశంసలు అందుకుంటున్నాడు. బాలకృష్ణ హిందీలో చాలా ప్రావీణ్యం కలవాడు మరియు అనేక సందర్భాల్లో నటుడు భాషపై తన కమాండ్‌తో అందరినీ ఆశ్చర్యపరిచాడు. భగవంత్ కేసరి సక్సెస్ మీట్‌లో బాలయ్య స్వయంగా హిందీలో తన పాత్రకు డబ్బింగ్ చెప్పాడని వెల్లడించారు.
ఈ చిత్రంలో బాలకృష్ణకి జోడిగా కాజల్ అగర్వాల్ నటించింది. ఈ సినిమాలో శ్రీ లీల, శరత్‌కుమార్, అర్జున్ రాంపాల్, జీవన్ రెడ్డి తదితరులు ముఖ్య పాత్రలు పోషించారు. ఈ సినిమాని షైన్ స్క్రీన్స్ నిర్మించింది. థమన్ ఈ చిత్రానికి సౌండ్‌ట్రాక్‌లను అందించారు.
|
|