'కాంతారా' ప్రీక్వెల్ ఫస్ట్ లుక్ విడుదలకి తేదీ లాక్
cinema | Suryaa Desk | Published : Sat, Nov 25, 2023, 02:29 PM
రిషబ్ శెట్టి నటించిన కన్నడ చిత్రం కాంతారా కర్ణాటకలో ఉన్న అన్ని రికార్డులను బ్రేక్ చేసింది. రిషబ్ శెట్టి ప్రధాన పాత్రను పోషించడమే కాకుండా ఈ యాక్షన్ డ్రామాకి దర్శకత్వం కూడా వహించాడు. ఒక్క కన్నడ వెర్షన్ మాత్రమే కాకుండా తెలుగు, హిందీ వెర్షన్లు కూడా అనూహ్యంగా వాసులు రాబట్టాయి. ఈ సినిమా 100 రోజుల ఈవెంట్‌లో రిషబ్ శెట్టి తను సినిమా ప్రీక్వెల్ స్క్రిప్ట్‌పై పనిచేస్తున్నట్లు ధృవీకరించారు.
కాంతారా చాప్టర్ 1 గురించిన అతిపెద్ద అప్‌డేట్ ను మూవీ మాకర్స్ వెల్లడించారు. ఈ చిత్రం యొక్క ఫస్ట్-లుక్ పోస్టర్ నవంబర్ 27న మధ్యాహ్నం 12:25 గంటలకు విడుదల చేస్తున్నట్లు మూవీ మేకర్స్ ఒక స్పెషల్ పోస్టర్ ని విడుదల చేసారు. అంతేకాకుండా ఈ పోస్టర్‌కి, 'ఇది వెలుగు మాత్రమే కాదు. ఇది ఒక దర్శనం' అనే కాప్షన్ ని ఇచ్చారు.
అలాగే, కాంతారా 1ని కన్నడ, తెలుగు, హిందీ, తమిళం, మలయాళం, బెంగాలీ, మరియు ఆంగ్ల భాషల్లో విడుదల చేయనున్నట్లు వెల్లడించారు. హోంబలే ఫిల్మ్స్ పతాకంపై విజయ్ కిరగందూర్ కాంతారావు 1ని నిర్మించనున్నారు. అతి త్వరలో ఈ సినిమా సెట్స్ పైకి వెళ్లనుంది. ఫస్ట్ లుక్ పోస్టర్ తో పాటు నటీనటుల వివరాలు బయటకు వచ్చే అవకాశం ఉంది.
|
|