డెవిల్ : రెట్రో వైబ్స్ ని ఇస్తున్న లేడీ రోజ్ సాంగ్
cinema | Suryaa Desk | Published : Tue, Nov 28, 2023, 02:39 PM
నవీన్ మేడారం దర్శకత్వంలో నందమూరి కళ్యాణ్ రామ్ తన తదుపరి సినిమాని ప్రకటించిన సంగతి అందరికి తెలిసిందే. ఈ చిత్రానికి 'డెవిల్' అనే టైటిల్ ని మూవీ మేకర్స్ లాక్ చేసారు. తాజాగా హర్షవర్ధన్ రామేశ్వర్ స్వరపరిచిన దిస్ ఈజ్ లేడీ రోజ్ అనే రెండవ సింగిల్ ని రాజ కుమారి అద్భుతంగా పాడారు. బాలీవుడ్ బ్యూటీ ఎల్నాజ్ నొరౌజీ మెరిసే సిల్క్ మినీ డ్రెస్‌లో తన ఆకట్టుకునే నృత్యాలతో ప్రేక్షకులను కట్టిపడేస్తుంది. ఈ సెకండ్ సింగల్ లిరికల్ వీడియోలో నందమూరి కళ్యాణ్‌రామ్ తెల్లటి సూట్‌లో రెట్రో వైబ్‌ ని కలిగి ఉంది.
ఈ స్పై థ్రిల్లర్ డెవిల్ లో కళ్యాణ్ రామ్ సరసన సంయుక్త మీనన్ జోడిగా కనిపించనుంది. ఈ చిత్రం నవంబర్ 24, 2023న ప్రపంచవ్యాప్తంగా థియేటర్లలోకి రానుంది. అభిషేక్ పిక్చర్స్ భారీ ఎత్తున నిర్మిస్తున్న ఈ పీరియాడికల్ డ్రామాలో కళ్యాణ్ రామ్ ఒక చీకటి రహస్యాన్ని ఛేదించే లక్ష్యంతో నిర్భయ బ్రిటిష్ సీక్రెట్ ఏజెంట్‌గా కనిపిస్తారు. ఈ చిత్రానికి హర్షవర్ధన్ రామేశ్వర్ సంగీత అందిస్తున్నారు.
|
|