'హను-మాన్' నుండి ఆవకాయ ఆంజనేయ సాంగ్ అవుట్
cinema | Suryaa Desk | Published : Wed, Nov 29, 2023, 02:41 PM
యంగ్ అండ్ టాలెంటెడ్ హీరో తేజ సజ్జా "ఓహ్ బేబీ", "అద్భుతం" వంటి సినిమాలతో ఆడియన్స్ ని ఆకట్టుకున్నాడు. ఈ హ్యాండ్సమ్ హీరో ఇప్పుడు పాన్ ఇండియా రేంజ్ లో ప్రశాంత్ వర్మ డైరెక్ట్ చేస్తున్న సూపర్ హీరో సినిమా 'హను-మాన్' లో నటిస్తున్నాడు. ఈ సినిమా షూటింగ్ పూర్తయి పోస్ట్ ప్రొడక్షన్ పనులు జరుగుతున్నాయి. ఇటీవలే హనుమాన్ సినిమాలోని మూడో సింగిల్ ఆవకాయ ఆంజనేయ పాటను మూవీ మేకర్స్ గ్రాండ్ గా లాంచ్ చేశారు. అనుదీప్ దేవ్ ఈ సాంగ్‌ని మాష్ బీట్‌లతో కంపోజ్ చేశారు.
ఈ పాన్ ఇండియా చిత్రం జనవరి 12, 2024న వెండితెరపైకి రానుంది. అమృత అయ్యర్ ఈ సినిమాలో తేజ సరసన నటిస్తుంది. డాక్టర్, ఓ మై డాగ్ చిత్రాలలో విలన్ పాత్రను పోషించిన వినయ్ రాయ్ ఈ సినిమాలో మైఖేల్ అనే విలన్ పాత్రలో నటిస్తున్నారు. అనుదీప్ దేవ్, హరి గౌర, జై క్రిష్ మరియు కృష్ణ సౌరభ్ ఈ చిత్రానికి సౌండ్‌ట్రాక్‌లు అందిస్తున్నారు. కె నిరంజన్ రెడ్డి తన ప్రైమ్ షో ఎంటర్‌టైన్‌మెంట్ బ్యానర్‌పై హను-మాన్ చిత్రాన్ని నిర్మిస్తున్నారు.
|
|