పుష్ప 2 : అల్లు అర్జున్ రెమ్యూనరేషన్ పై లేటెస్ట్ బజ్
cinema | Suryaa Desk | Published : Wed, Nov 29, 2023, 06:43 PM
సుకుమార్ దర్శకత్వంలో టాలీవుడ్ ఐకాన్ స్టార్ అల్లు అర్జున్ 2019లో బ్లాక్‌బస్టర్ మూవీస్ లో ఒకటైన పుష్ప: ది రైజ్‌కి సీక్వెల్ గా పుష్ప 2: ది రూల్ సినిమా చేస్తున్న సంగతి అందరికి తెలిసిందే. ఇటీవలే మూవీ మేకర్స్ విడుదల చేసిన పుష్ప 2 ఫస్ట్-లుక్ పోస్టర్ అందరిని ఆకట్టుకుంది.
తాజా అప్డేట్ ప్రకారం, అల్లు అర్జున్ పుష్ప 2 కోసం ఎటువంటి రెమ్యూనరేషన్ తీసుకోలేదని అయితే అతను సినిమా ఆదాయంలో 33 శాతం పొందుతాడని వార్తలు వినిపిస్తున్నాయి. ప్రస్తుతం పుష్ప 2పై జరుగుతున్న హైప్ నేపథ్యంలో బాక్సాఫీస్ కలెక్షన్లు 1000 కోట్లకు పైగా రావడం ఖాయమని ఆ లెక్కన అల్లు అర్జున్ 300 కోట్లకు పైగానే రాబట్టడం ఖాయమని కొందరు సోషల్ మీడియాలో లెక్కలు వేశారు.
ఈ సినిమాలో అల్లు అర్జున్‌కి జోడీగా రష్మిక మందన్న నటిస్తుండగా, ఫహద్ ఫాసిల్ భన్వర్ సింగ్ షెకావత్ అనే పోలీసాఫీసర్ పాత్రను పోషిస్తున్నాడు. ఈ చిత్రంలో అనసూయ భరద్వాజ్, సునీల్, జగదీష్ తదితరులు ముఖ్యమైన పాత్రలు పోషిస్తున్నారు. దేవి శ్రీ ప్రసాద్ సంగీతం అందించిన పుష్ప 2ని మైత్రీ మూవీ మేకర్స్ ప్రతిష్టాత్మకంగా నిర్మిస్తోంది.
|
|