'యానిమల్' మూవీ ట్విట్టర్ రివ్యూ
cinema | Suryaa Desk | Published : Fri, Dec 01, 2023, 11:02 AM
యానిమల్ సినిమా కోసం తెలుగు ప్రేక్షకులు ఆసక్తిగా ఎదురుచూస్తున్నారు. హిందీలో చేసిన సినిమా కోసం ఇంతగా ఎదురుచూడడానికి కారణం దర్శకుడు మనోడు. టాలీవుడ్‌లో సందీప్ రెడ్డి వంగ మార్క్ ఇప్పటికీ ఉంది. అర్జున్ రెడ్డి సినిమాతో ఇండస్ట్రీలో తనదైన ముద్ర వేసుకున్నాడు సందీప్ రెడ్డి వంగ. బాలీవుడ్‌లో కబీర్‌సింగ్‌గా రీమేక్‌ చేసి హిట్‌ అయింది. ఇప్పుడు మళ్లీ జంతువులా వచ్చాడు. మరి ఈ సినిమా ఎలా ఉండబోతుందో త్వరలోనే తెలియనుంది. అయితే ఇప్పుడు నెట్‌లో యానిమల్ ట్రెండ్ నడుస్తోంది. సినిమా చూసిన నెటిజన్లు ట్వీట్లతో హంగామా చేస్తున్నారు.
బాలీవుడ్ స్టార్ రణబీర్ కపూర్, రష్మిక మందన్న జంటగా నటించిన చిత్రం యానిమల్. ఈ సినిమాలో రణబీర్ కపూర్ తండ్రిపై విపరీతమైన ప్రేమ కలిగిన ఒక కొడుకు. తండ్రి కోసం ఎంత క్రూరంగా మారాడు. శత్రువులను ఎలా చీల్చిచండాడాడు అనే పాయింట్‌ను బేస్ చేసుకుని సందీప్ తెరపై ఆవిష్కరించినట్లు తెలుస్తోంది. రణబీర్ నటనకు ఫిదా అయిపోయాము అంటూ ఫ్యాన్స్ టిట్టర్‌లో పోస్టు చేశారు. ఈ మూవీ చూస్తున్నప్పుడు ఎక్కడా బోర్ రాలేదంటున్నారు ఫ్యాన్స్.
|
|