EPIQ ఫార్మాట్‌లో విడుదల కానున్న 'సాలార్'
cinema | Suryaa Desk | Published : Thu, Dec 07, 2023, 05:47 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. తాజాగా మూవీ మేకర్స్ ఈ సినిమా ట్రైలర్ ని విడుదల చేయగా ఈ ట్రైలర్ యూట్యూబ్ లో సెన్సషనల్ రికార్డు ని క్రియేట్ చేసింది.
లేటెస్ట్ అప్డేట్ ప్రకారం, సలార్ యొక్క పవర్-ప్యాక్డ్ యాక్షన్‌ను ప్రత్యేకంగా V సెల్యులాయిడ్స్, సూళ్లూరుపేట మరియు బ్రాడ్‌వే సినిమాస్, కోయంబత్తూరులో ఎపిక్ ఫార్మాట్‌లో చూడటానికి అందుబటులో ఉంటుంది అని మూవీ మేకర్స్ అధికారకంగా ప్రకటించారు.
ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ పాన్ ఇండియా సినిమా డిసెంబర్ 22న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|