'సాలార్' USA అడ్వాన్స్ బుకింగ్స్ పై లేటెస్ట్ అప్‌డేట్
cinema | Suryaa Desk | Published : Sat, Dec 09, 2023, 02:10 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. తాజాగా మూవీ మేకర్స్ ఈ సినిమా ట్రైలర్ ని విడుదల చేయగా ఈ ట్రైలర్ యూట్యూబ్ లో సెన్సషనల్ రికార్డు ని క్రియేట్ చేసింది. నవంబర్‌లోనే సాలార్ సినిమా USA అడ్వాన్స్ బుకింగ్‌లు ప్రారంభమయ్యాయి మరియు ఇప్పటివరకు ఈ చిత్రం ప్రీ సేల్స్ నుండి దాదాపు 470K డాలర్లను నమోదు చేసింది. ప్రభాస్‌కు ఉన్న మాస్ ఇమేజ్ మరియు ప్రశాంత్ నీల్‌కి ఉన్న ఫాలోయింగ్‌తో సాలార్ ప్రస్తుతం 18000 టిక్కెట్లు అమ్ముడయ్యాయి.
యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ పాన్ ఇండియా సినిమా డిసెంబర్ 22న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|