జ్యోతిష్య కారణాల వల్ల డిసెంబర్ 22ని ఎంచుకున్నాం - సాలార్ నిర్మాత
cinema | Suryaa Desk | Published : Tue, Dec 12, 2023, 05:01 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. ఈ పాన్ ఇండియా సినిమా డిసెంబర్ 22న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. ఇటీవలే బాలీవుడ్ మీడియాకు ఇచ్చిన ప్రత్యేక ఇంటర్వ్యూలో విజయ్ కిరగందూర్ జ్యోతిష్య కారణాల వల్ల ఈ సినిమాను డిసెంబర్ 22న విడుదల చేయాలని నిర్ణయించుకున్నట్లు అంగీకరించారు. తాము కొన్ని అంశాలను నమ్ముతామని విజయ్ కిరగందూర్ అన్నారు.
డుంకి మరియు ఆక్వామ్యాన్‌ ఒక రోజు ముందే విడుదల కానున్నాయి అని తెలిసినప్పటికీ మేము సినిమాను ప్రీపోన్ చేయకపోవడమే దీనికి కారణం అని ఆయన అన్నారు. విజయ్ కిరగందూర్ ఇంకా మాట్లాడుతూ.... చాలా పనులు పెండింగ్‌లో ఉన్నాయి వాటి కారణంగా మేము సెప్టెంబర్ 28కి విడుదల అచేయలేకపోయాము. అలాగే, ఇది క్రిస్మస్ మరియు న్యూ ఇయర్ సీజన్ కాబట్టి ఎక్కువ మంది థియేటర్లకు వచ్చే సమయం ఇది అని చెప్పారు.
యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|