'సాలార్' లో యష్ అతిధి పాత్ర..... క్లారిటీ ఇచ్చిన నిర్మాత
cinema | Suryaa Desk | Published : Thu, Dec 14, 2023, 09:21 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. గత కొన్ని రోజులుగా, ఎంతో ఆసక్తిగా ఎదురుచూస్తున్న ఈ పాన్ ఇండియన్ చిత్రం సలార్‌లో యష్ అతిధి పాత్రలో నటిస్తున్నట్లు వార్తలు వినిపిస్తున్నాయి. లేటెస్ట్ అప్డేట్ ప్రకారం, సాలార్‌లో కేజీఎఫ్ యాక్టర్ క్యామియో లేదు అనే విషయాన్ని చిత్ర నిర్మాత విజయ్ కిరగందూర్ ఒక ఇంటర్వ్యూలో తెలిపారు. నిర్మాత మాట్లాడుతూ కేజీఎఫ్‌కి, సాలార్‌కు సంబంధం లేదని ప్రశాంత్ నీల్ ఇప్పటికే స్పష్టం చేశారు.
యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ పాన్ ఇండియా సినిమా డిసెంబర్ 22న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|