షూటింగ్ ప్రారంభించిన మెగా ప్రిన్స్ 'మట్కా'
cinema | Suryaa Desk | Published : Fri, Dec 15, 2023, 02:09 PM
టాలీవుడ్ మెగా ప్రిన్స్ వరుణ్ తేజ్ తన 14వ చిత్రాని పలాస ఫేమ్ కరుణ కుమార్ దర్శకత్వంలో చేస్తున్నట్లు అధికారకంగా ప్రకటించిన సంగతి అందరికి తెలిసిందే. ఈ పాన్-ఇండియన్ చిత్రానికి 'మట్కా' అని టైటిల్ ని లాక్ చేసారు. ఈ హై-బడ్జెట్ మూవీలో మీనాక్షి చౌదరి కథానాయికగా నటిస్తుంది.
ఈ సినిమా రెగ్యులర్ షూటింగ్ హైదరాబాద్లో ప్రారంభమైంది. ప్రస్తుతం షూటింగ్ జరుపుకుంటున్న నగరంలో భారీ సెట్ను మూవీ మేకర్స్ నిర్మించారు. 1958 మరియు 1982 మధ్య జరిగిన కథ కారణంగా 50ల నుండి 80ల వరకు ఉన్న వాతావరణాన్ని మూవీ టీమ్ రీక్రియేట్ చేసింది. సినిమా కథ మొత్తం దేశాన్ని కదిలించిన వాస్తవ సంఘటన ఆధారంగా రూపొందించబడింది. 24 ఏళ్లు సాగే కథతో మెగా నటుడు నాలుగు విభిన్న గెటప్లలో కనిపించనున్నారు.
ఈ సినిమాలో బాలీవుడ్ బ్యూటీ నోరా ఫతేహి ముఖ్య పాత్రలో కనిపించనుంది. నవీన్ చంద్ర, కన్నడ కిషోర్, అజయ్ ఘోష్, మైమ్ గోపి, రూపలక్ష్మి, విజయరామరాజు, జగదీష్, రాజ్ తిరందాస్ మరియు ఇతరులు ఈ సినిమా కీలక పత్రాలు పోషిస్తున్నారు. ఈ చిత్రానికి జివి ప్రకాష్ కుమార్ సంగీతం అందిస్తున్నారు. వైరా ఎంటర్టైన్మెంట్స్ బ్యానర్పై మోహన్ చెరుకూరి (సివిఎం), డా.విజేందర్ రెడ్డి తీగల ఈ చిత్రాన్ని భారీ ఎత్తున నిర్మించనున్నారు.
|
|