షూటింగ్ పూర్తి చేసుకున్న ధనుష్ కొత్త చిత్రం
cinema | Suryaa Desk | Published : Fri, Dec 15, 2023, 03:43 PM
కోలీవుడ్ స్టార్ హీరో ధనుష్ తన ల్యాండ్‌మార్క్ 50వ చిత్రానికి తానే స్వయంగా దర్శకత్వం వహిస్తున్న సంగతి అందరికి తెలిసిందే. గ్యాంగ్‌స్టర్ డ్రామా ట్రాక్ లో రానున్న ఈ సినిమా ప్రస్తుతం నిర్మాణ దశలో ఉంది. ఈ క్రేజీ ప్రాజెక్ట్ పై అభిమానులలో చాలా హైప్ మరియు అంచనాలు ఉన్నాయి. తాజాగా ధనుష్ X ప్రొఫైల్ లో ఈ చిత్రం యొక్క షూటింగ్ పూర్తి అయ్యినట్లు పంచుకున్నాడు. చిత్ర బృందానికి మరియు నటీనటులకు నా హృదయపూర్వక ధన్యవాదాలు. అలాగే నా విజన్‌ని సపోర్ట్ చేసినందుకు కళానిధి మారన్ సర్ మరియు సన్ పిక్చర్స్ గారికి కృతజ్ఞతలు అని ధనుష్ ట్వీట్ చేశాడు.
ఈ సినిమాలో విష్ణు విశాల్, దుషార విజయన్, కాళిదాస్ జయరామన్, సందీప్ కిషన్, సెల్వరాఘవన్ మరియు SJ సూర్య కీలక పాత్రలలో కనిపించనున్నారు. ఈ సినిమాలో ధనుష్ పవర్ ఫుల్ క్యామియోలో కనిపించనున్నాడు. నార్త్ మద్రాస్ నేపథ్యంలో సాగే యాక్షన్ డ్రామాగా ఈ సినిమా ఉంటుందని సమాచారం. సన్ పిక్చర్స్ నిర్మిస్తున్న ఈ చిత్రానికి ఏఆర్ రెహమాన్ సంగీతం సమకూరుస్తున్నారు.
|
|