'డుంకీ' గురించి షారూఖ్ ఖాన్ కీలక వ్యాఖ్యలు
cinema | Suryaa Desk | Published : Mon, Dec 18, 2023, 03:31 PM
పఠాన్ మరియు జవాన్ చిత్రాలతో రెండు బ్యాక్ టు బ్యాక్ ఇండస్ట్రీ హిట్స్ సాధించిన షారుఖ్ ఖాన్ డుంకీ సినిమాతో మరోసారి ప్రేక్షకులను అలరించేందుకు సిద్ధమవుతున్నాడు. రాజ్కుమార్ హిరానీ ఈ సినిమాకి దర్శకత్వం వహిస్తున్నారు. అభిజత్ జోషి ఈ సినిమాకి స్క్రీన్ ప్లే రాశారు. ఈ చిత్రంలో తాప్సీ పన్ను కథానాయికగా నటిస్తోంది. ఇటీవల జరిగిన ప్రమోషనల్ ఈవెంట్ లో SRK మాట్లాడుతూ రాజ్కుమార్ హిరానీ ఇప్పటి వరకు డుంకీ లాంటి సినిమా చేయలేదని అన్నారు.
షారూఖ్ ఖాన్ మాట్లాడుతూ....మేము సినిమా పూర్తి చేసి మొదటిసారి చూసినప్పుడు రాజు సార్ యుగయుగాల ప్రేమకథను తీశారని మాకు అనిపించింది. చాలా హత్తుకునే సినిమా ఇది. రాజకుమార్ హిరానీ గత చిత్రాలలో లేని యాక్షన్ డుంకీలో ఉంది. ఈ సినిమాలో నాకు చాలా కొత్త సీక్వెన్స్లు ఉన్నాయి అన్నారు.
డిసెంబర్ 21న డుంకీ సినిమా థియేటర్లలో విడుదల కానుంది. ఈ ఎమోషనల్ కామెడీ ఎంటర్టైనర్ లో విక్కీ కౌశల్, బోమన్ ఇరానీ కీలక పాత్రలు పోషించారు. రెడ్ చిల్లీస్ ఎంటర్టైన్మెంట్, రాజ్కుమార్ హిరానీ ఫిల్మ్స్, జియో స్టూడియోస్ బ్యానర్లపై గౌరీ ఖాన్, రాజ్కుమార్ హిరానీ నిర్మిస్తున్న ఈ చిత్రానికి ప్రీతమ్ సంగీతం అందించారు.
|
|