భారతదేశం అంతటా 'ది సూపర్ హీరో టూర్' ని ప్రకటించిన హనుమాన్ టీమ్
cinema | Suryaa Desk | Published : Thu, Jan 04, 2024, 06:38 PM
యువ దర్శకుడు ప్రశాంత్ వర్మ దర్శకత్వం వహించిన భారతీయ సూపర్ హీరో చిత్రం 'హనుమాన్' లో తేజ సజ్జ ప్రధా పాత్రలో కనిపించనున్నాడు. ఈ పాన్ ఇండియా చిత్రం జనవరి 12, 2024న వెండితెరపైకి రానుంది. తాజాగా ఇప్పుడు హనుమాన్ టీమ్ భారతదేశంలోని అనేక ప్రముఖ నగరాల్లో 'ది సూపర్ హీరో టూర్'ని ప్రకటించింది. ప్రమోషనల్ టూర్ (జనవరి 4) కేరళలోని కొచ్చిలో ప్రారంభమవుతుంది. చిత్ర బృందం జనవరి 5న చెన్నైకి వెళ్తుంది.
ఆ తర్వాతి రోజు (జనవరి 6), సూపర్ హీరో టూర్ కన్నడ వెర్షన్‌ను ప్రమోట్ చేయడానికి బెంగళూరులో ల్యాండ్ అవుతుంది. ఆ తర్వాత జనవరి 7న హైదరాబాద్‌లో తెలుగు వెర్షన్‌ను ప్రమోట్ చేయడానికి ఈవెంట్ ని నిర్వహిస్తున్నారు. దక్షిణ భారత పర్యటనను ముగించిన తర్వాత చిత్రం యొక్క హిందీ వెర్షన్‌ను ప్రచారం చేయడానికి హనుమాన్ బృందం జనవరి 8న ముంబైకి మరియు చివరకు జనవరి 9న న్యూఢిల్లీకి వెళ్లనుంది.
ఈ సినిమాలో తేజకు జోడీగా అమృత అయ్యర్ జోడిగా నటిస్తోంది. ఈ చిత్రంలో వరలక్ష్మి శరత్‌కుమార్, వినయ్ రాయ్ కీలక పాత్రలు పోషించారు. అనుదీప్ దేవ్, హరి గౌర, జై క్రిష్ మరియు కృష్ణ సౌరభ్ ఈ చిత్రానికి సౌండ్‌ట్రాక్‌లు అందిస్తున్నారు. కె నిరంజన్ రెడ్డి తన ప్రైమ్ షో ఎంటర్‌టైన్‌మెంట్ బ్యానర్‌పై హను-మాన్ చిత్రాన్ని నిర్మిస్తున్నారు.
|
|