'నా సామి రంగా' లో మంగ గా గార్జియస్ మిర్నా
cinema | Suryaa Desk | Published : Thu, Jan 04, 2024, 06:44 PM
విజయ్ బిన్ని దర్శకత్వంలో అక్కినేని నాగార్జున ఒక ప్రాజెక్ట్ ని ప్రకటించిన సంగతి అందరికి తెలిసిందే. ఈ చిత్రానికి మూవీ మేకర్స్ 'నా సామి రంగా' అనే టైటిల్ ని లాక్ చేసారు. ఈ గ్రామీణ యాక్షన్ ఎంటర్‌టైనర్ సినిమా జనవరి 14,2024న విడుదల కానుంది.
తాజాగా మూవీ మేకర్స్ ఈ సినిమాలో కీలక పాత్రలో కనిపించనున్న మిర్నా మీనన్ ఈ చిత్రంలో మంగ అనే క్యారెక్టర్ లో కనిపించనున్నట్లు ప్రకటించారు. ఈ విషయాన్ని తెలియజేసేందుకు చిత్ర బృందం సోషల్ మీడియాలో సరికొత్త పోస్టర్ ని విడుదల చేసారు.
నా సామి రంగ చిత్రంలో ఆశికా రంగనాథ్ కథానాయికగా నటిస్తోంది. ఈ చిత్రంలో అల్లరి నరేష్, రాజ్ తరుణ్, మిర్నా మీనన్, రుక్సార్ ధిల్లాన్ కీలక పాత్రలు పోషిస్తున్నారు. రూరల్ యాక్షన్ డ్రామాగా తెరకెక్కుతున్న ఈ చిత్రాన్ని శ్రీనివాస సిల్వర్ స్క్రీన్ బ్యానర్‌పై శ్రీనివాస చిట్టూరి నిర్మిస్తున్నారు. అకాడమీ విజేత ఎంఎం కీరవాణి సంగీతం అందిస్తున్నారు.
|
|