వాయిదా పడిన 'కెప్టెన్ మిల్లర్' తెలుగు విడుదల?
cinema | Suryaa Desk | Published : Tue, Jan 09, 2024, 02:53 PM
అరుణ్ మాథేశ్వరన్ దర్శకత్వంలో కోలీవుడ్ స్టార్ హీరో ధనుష్ 'కెప్టెన్ మిల్లర్' సినిమా చేస్తున్న సంగతి అందరికి తెలిసిందే. అందరూ ఎంతో ఆసక్తిగా ఎదురుచూస్తున్న ఈ సినిమా జనవరి 12,2023న విడుదల కానుంది. లేటెస్ట్ అప్డేట్ ప్రకారం, యాక్షన్ డ్రామాగా తెరకెక్కుతున్న ఈ సినిమా యొక్క తెలుగు వెర్షన్ తమిళ వెర్షన్‌లతో పాటు ఒకేసారి విడుదల చేయరని సమాచారం. కెప్టెన్ మిల్లర్ యొక్క తెలుగు ట్రైలర్ ని మూవీ మేకర్స్ ఇంకా విడుదల చేయలేదు. ఈ సినిమా ఈ నెలాఖరులో లేదా ఆ తర్వాత నెలలో ప్రేక్షకుల ముందుకు రానున్నట్లు లేటెస్ట్ టాక్.
ఈ యాక్షన్ థ్రిల్లర్ లో కన్నడ స్టార్ హీరో శివరాజ్‌కుమార్, ప్రియాంక అరుల్ మోహన్, తెలుగు హీరో సందీప్ కిషన్, నివేదిత సతీష్, ఎడ్వర్డ్ సోన్నెన్‌బ్లిక్ కీలక పాత్రల్లో నటిస్తున్నారు. ఈ చిత్రానికి జివి ప్రకాష్ సంగీత దర్శకుడు. ఈ చిత్రాన్ని జి. శరవణన్, సాయి సిద్ధార్థ్‌లు సంయుక్తంగా నిర్మిస్తున్నారు.
|
|