మహేష్ బాబు మాటలకి ఎమోషనల్ అయ్యిన అభిమానులు
cinema | Suryaa Desk | Published : Wed, Jan 10, 2024, 02:58 PM
టాలీవుడ్ సూపర్ స్టార్ మహేష్ బాబు దర్శకుడు త్రివిక్రమ్ కాంబినేషన్ లో సినిమా వస్తుంది అని అందరికి తెలిసిన విషయమే. ఈ మూవీకి 'గుంటూరు కారం' అని టైటిల్ మూవీ మేకర్స్ లాక్ చేసారు. ఈ యాక్షన్ ఎంటర్టైనర్ జనవరి 12న థియేటర్లలోకి రానుంది. ఈ సినిమా ప్రీ రిలీజ్ ఈవెంట్ నిన్న గుంటూరులో ఘనంగా జరిగింది.
ఈ కార్యక్రమంలో మహేష్ మాట్లాడుతూ... ఇది నా 25వ సంవత్సరం అని నేను నమ్మలేకపోతున్నాను. నాపై మీ ప్రేమ నిరంతరం పెరుగుతోంది మరియు మీ అందరికీ ధన్యవాదాలు చెప్పడానికి నా దగ్గర మాటలు లేవు. సంక్రాంతి నాకు ఎప్పుడూ అనుకూలమే, ఈసారి ఇది భిన్నంగా ఉంటుంది. నాన్న ప్రతిసారీ ఫోన్ చేసి బాక్సాఫీస్ రికార్డుల గురించి చెప్పేవారు. ఆ ఫోన్ కాల్ కోసం ఎదురుచూస్తూ ఉండేవాడిని. నాకు ఇప్పుడు నాన్న లేరు కాబట్టి ఆ విషయాలన్నీ మీరే నాకు చెప్పాలి. ఇకనుండి మీరే నా తండ్రి, నా తల్లి, సర్వస్వం మీరే అంటూ అన్నారు. సూపర్ స్టార్ నుంచి ఈ మాటలు విన్నాక సూపర్ స్టార్ అభిమానులు అందరూ ఎమోషనల్ అయ్యారు.
ఎంతో ఆసక్తిగా ఎదురుచూస్తున్న ఈ మాస్ ఎంటర్టైనర్ చిత్రంలో శ్రీలీల, మీనాక్షి చౌదరి కథానాయికలుగా నటిస్తున్నారు. ఈ చిత్రంలో జగపతి బాబు, రమ్య కృష్ణన్, ప్రకాష్ రాజ్, వెన్నెల కిషోర్ మరియు ఇతరులు కీలక పాత్రలలో నటించారు. ఫ్యామిలీ ఎంటర్టైనర్ ట్రాక్ లో రానున్న ఈ సినిమాని హారిక అండ్ హాసిని క్రియేషన్స్ నిర్మిస్తుంది. ఈ సినిమాకి థమన్ సంగీతం అందిస్తున్నారు.
|
|