ఇచ్చిన మాటను నిలబెట్టుకున్న 'హనుమాన్' టీమ్
cinema | Suryaa Desk | Published : Sat, Jan 13, 2024, 03:17 PM
టాలీవుడ్ యంగ్ అండ్ టాలెంటెడ్ హీరో తేజ సజ్జ సూపర్ హీరోగా నటించిన పాన్-ఇండియన్ చిత్రం హనుమాన్ జనవరి 12, 2024న ప్రపంచవ్యాప్తంగా థియేటర్లలోకి వచ్చింది. ప్రశాంత్ వర్మ దర్శకత్వం వహించిన ఈ చిత్రం విడుదలైన అన్ని చోట్ల పోస్టివ్ టాక్ ని సొంతం చేసుకొని సాలిడ్ కలెక్షన్స్ ని రాబడుతుంది. హను-మాన్ టీమ్ అమ్మిన ఒక్కో టిక్కెట్టు నుంచి 5 రూపాయలని రామమందిర నిర్మాణానికి ఇస్తున్నట్లు ప్రీ రిలీజ్ ఈవెంట్ లో ప్రకటించారు.
లేటెస్ట్ అప్డేట్ ప్రకారం, చిత్ర బృందం తొలి రోజు కలెక్షన్స్ నుండి 14,25,810 రూపాయలని విరాళంగా అందించారు. అనుదీప్ దేవ్, హరి గౌర, జై క్రిష్ మరియు కృష్ణ సౌరభ్ ఈ చిత్రానికి సౌండ్‌ట్రాక్‌లు అందిస్తున్నారు. అమృత అయ్యర్, వినయ్ రాయ్, వరలక్ష్మి శరత్‌కుమార్, సముద్రఖని తదితరులు ముఖ్య పాత్రలలో నటించిన ఈ చిత్రాన్ని ప్రైమ్‌షో ఎంటర్‌టైన్‌మెంట్‌పై కె నిరంజన్ రెడ్డి నిర్మించారు.
|
|