మళ్లీ అభిమానుల ముందుకు ఇర్ఫాన్ ఖాన్
cinema | Suryaa Desk | Published : Wed, Apr 03, 2019, 06:15 PM
సాగిపోతున్న నా ఈ జీవితంలో ఒక క్షణం పాటు ఆగి నన్ను ప్రేమిస్తూ, కోలుకుంటున్న సమయంలో నాకు మద్దతుగా నిలుస్తున్న అభిమానులకు హృదయపూర్వక ధన్యవాదాలు చెప్పాలనుకుంటున్నాను. మళ్లీ మీ ముందుకు రావాలనుకుంటున్నా’ అని బాలీవుడ్ నటుడు ఇర్ఫాన్ ఖాన్ పేర్కొన్నారు. కొంతకాలంగా న్యూరో ఎండోక్రైన్ ట్యూమర్తో బాధపడుతున్న ఇర్ఫాన్ చికిత్స నిమిత్తం లండన్ వెళ్లారు. దాదాపు ఏడాది పాటు ఆయన లండన్లోనే ఉన్నారు. చికిత్స అనంతరం మంగళవారం ముంబయి చేరుకున్నారు. సగం చికిత్స పూర్తికావడంతో మంగళవారం భారత్ వచ్చారు. ఈ సందర్భంగా అభిమానులను ఉద్దేశిస్తూ ట్విటర్లో ఓ ఫొటో పోస్ట్ చేశారు. బహుశా గెలవాలన్న ఉత్సుకతతో మనల్ని ఎవరు ఎంత ప్రేమిస్తున్నారో మర్చిపోతున్నాం. బలహీనపడిపోయినప్పుడు అవన్నీ గుర్తుకొస్తాయి. చాలా కాలం తర్వాత ఇర్ఫాన్ నుంచి సందేశం రావడంతో అభిమానులు హర్షం వ్యక్తం చేస్తున్నారు. త్వరగా కోలుకోవాలంటూ ట్వీట్లు పెడుతున్నారు. త్వరలో ఆయన ‘హిందీ మీడియం 2’ సినిమాలో నటించబోతున్నారు. 2017లో వచ్చిన ‘హిందీ మీడియం’కు ఇది సీక్వెల్గా రాబోతోంది.
|
|